සිලිකන් නිම්නයට ඔබ්බෙන් වන තරු මිනිසුන් ගේ කථාන්දරය.....(6)

  රාත්‍රිය පුරාවට ඇද හැලුනු  පිනිපොද තවමත් පාර දෙපස  තන බිස්ස මත දිදුලමින් ඇත. ප්‍රානය ලත් තුරු ගොනු ගෙනෙන්නේ මහත් ප්‍රබෝධයකි. උදෑසන පිබිදුනු සියතුන් පවා මහත් ප්‍රානයකින් හඬ තලන විට දැන්නේ මහත් නැවුම් බවකි. ලෝකය අපූරු තැනකි. තම තම වර්ගයා අනූව මෙන්ම ගෙනැවිත් ඇති කාලය අනූව යන්නට පැමිනි අමුත්තන්ගෙන් එය පිරී ඇත. ඉන් අයෙක් හඬති තවකෙක්  සිනාසෙති. මෙහෙ ඇත්තේ අපූරුතම අත්දැකීමකි.  බලන බලන අත විසිතුරු දෑය.  සිත් ප්‍රබෝද කරවන  දෑය, සිත හඬාවටවන සුලු දෑය.  විමතිය ගෙනෙන , බිය උපදවන දෑද අඩුවක් නොමැත්තේය. විශාල කොටසක් තමන් ‍රැගෙන ආ ජිව විද්‍යාත්මක සීමාවල් වලට කො‍ටුව මෙහි කාලය ගතකර යති.තව කොටසක් දියුනු කරගත් මානස් හැසිරවීමක් ඔස්සේ සංස්කෘතියක් තනා ගෙන ඒ මත ජීවත්ව ආපසු යති. පොලෝ තලයේ විවිධ දිසාවල වසනා කොටස් තම පරිසරයන් ආශ්‍රිතව විවිධ සංකෘතීන් නිර්මානය කොට ගෙන ඒ මත වෙසෙති. සමහර ඒවා විස්මිතය. සාමන්‍ය මනසකට තේරුම් ගත නොහැකි තරමට සංකීර්නය. හදාරන්නන් ඒවා තේරුම් ගන්නටම බැඉවන විට පිට සක්වලට වැනි තම හැකියා සීමාවෙන් ඔබ්බෙන් වන බුද්ධි තලයන්ට ඒවා සම්බද කොට නිදහස් වෙයි. සමහර විටක ඒවා සත්‍යවන්නටද ඉඩ ඇත. 

           මෙහි මා පැමින මිනිස් වයසින් සැලකීමේදී සැහෙන කාලයකි. මෙහි වන විවිධ අවකාශයන් ඔස්සේ මම ඇවිදයන්නට වරම් ලැබුවෙක්මි. විටක සමහර ප්‍රදේශ භෞතිකය. තවතිට බුද්ධිතලයට අයත් ඒවාය. තොරතුරු තක්ශනය ඒවා අතර වඩාත්ම මා සිත්ගත් එකකි. කවදත් මිනිසා වටා තිබූ තොරතුරු හැසිරවීම සදහා ඉලෙක්ට්‍රොනික මැදිහත් වීමක් එහිදී සිදුවෙයි. වේගය මෙන්ම නිවැරදි බව හමුවේ මිනිසුන් ඉන් මහත් ඵල ලබනයුරු අපූරුය. තවකෙක් වීමාවක් නැති විස්මයට පත්වන යුරුද  සිත්ගන්නා සුලුය. 

   අශ්‍රමය මෙන්ම ටිබෙටියානු මිතුරාද සමහර  සංකල්ප අනූව ජීවිතය විග්‍රහ කරන හමුවන සංස්සාරයේ තව බොහෝ කාලයක් යන තුරු අමතකව නොවනු ඇත. ඒ ඒසේ වූවත් කම් නැතැයි සිතෙන්නේ ඒ මතක සටහන් මහත් බරක් ගෙනෙන නැතිනම් තව තවත් බැදීම් වලට යොමුකරවන ඒව නොවන නිසා වෙනි. සමහර සබඳ තාවයන් වඩ වඩාහ් සිත සැහැල්ලු කරනු සුලු වන අතරම තවත් ඒවා මහත් පීඩා කාරී වෙමින් නැවත නැවත නැවතත් බැදීම් ඇතිකරන ඒවා වෙයි. පේර කී විග්‍රහට අනූව ඒවා ගෙවා දමන්නට තවත්කාලයක් අවශ්‍ය වනු ඇත.

          ක්‍රමයෙන් වගාබිම් නිමවෙමින් ආශ්‍රම භූමියට ඇතුලු වන සීමාව ඇස් මනයට හසුවෙන තරම් නුදුරුවෙමින් ඇත. දැඩි දැවයෙන් නිමවා ඇති ප්‍රධාන පිවිසුම ක්‍රමයෙන් පැහැදිලි වෙමින් ඇත. ලොකු ස්වාමීන් වහන්සේ සිත තුල සටහන්ව ඇත්තේ ජීවිතකාලයේ හමුවූ අපූරු හැගීම් රටාවක් පරිද්දෙනි. එය වෙනම අත්දැකීමකි. දෛනික විවහාරය තුල පැහැදිලි කර ගැනීමට අපහසු  භාවයක් වැනි යමකි.

Microsoft වෙතින් එන Smartwatch නිම වෙමින් ඇති බවට!!!!

   පලඳින ආකාරයේ පරිගණක උපාංග පිලිබදව මෑත කාලීනව මහත් උනන්දුවක් දක්නට ලැබිනි. Google Glass එම උනන්දුවේ තීරනාත්මක සාධකයක්ව ඉස්මතුව පෙනිනි. Samsung වෙතින් පැමිනි  Galaxy Gear watche නැවත වරක් එම උනන්දුව අවදිකරවන්නට කාරනයක් වූ අතර Apple ආයතනයද තම ඉදිරි සැලසුම් වල smart ආකාරයේ ඔරලෝසුවක නිකුතුවක් පිලිබදව හෙලි කර සිටියාය. නොනිලව පැවසෙන නවතම පුවතක් පවසන්නේ Microsoft සමාගමද තම smart මට්ටමේ පලඳින ඔරලෝසුව පිලිබදව මහත් අවදානයකින් කටයුතු කරන බවකි. ආයතනය තුල වන වැඩි අවධානයකින් මෙම උපාංගය සංවර්ධනය කරමින් සිටින බවකි. සියලුම පාහේ ප්‍රධාන ස්මාර්ට් ෆෝන් platforms සමග සහයෝගයෙන් ක්‍රියාත්මක වනු ඇති බවට පැවසෙන මෙම උපාංගය භාවිතාකරන්නාගේ හඳ ගැස්ම පිලිබදව නිරන්තරයෙන් සිටීම ප්‍රමුක අංගයන් රාශියක් සමග පැමිනෙනු ඇති බවටයි හෙලි වන්නේ. දෙදිනක බැටරි ආයුකාලයක් සමග එන්නට නියමිත මෙම උපාංගය සදහා වසර ගනනාවක සිට සිට ආයතනය තුල සංවර්ධනය වෙමින් පැවති SPOT (smart personal object technology) මෘදුකාංග වඩාත් සිත්ගන්නා සුලු පෙනුමක් මෙන්ම ක්‍රියාකාරීත්වයක් සමග වනු ඇති බවටයි බලාපොරොත්තුව වන්නේ. පෙර දී බලාපොරොත්තුවූ පරිදි මෙම summer වලදී මෙම නිකුතුව සිදුවීමට ඉඩ ඇතිබවට බලාපොරොත්තුවුවද තවමත් මේ පිලිබදව ස්තීර කාල වකවානු ප්‍රකාශයට පත්ව නොමැත.

අන්තර්ජාලයම සොයනවා වෙනුවට ලගැති උපාංග සමග ජාලගත වන්නට වැඩි කැමැත්තක් ඇති යුගයක්!!!!

 සැමට අන්තර්ජාලය යනු කලකට ඉහත බොහෝ විද්වතුගේ මෙන්ම තොරතුරු ලෝකය ආශ්‍රිත ආයතනයන්ගේ අවධානය ලබා ගත් මාතෘකාවක්ව තිබිනි. එක් දෙසකින් වඩාත් වේගවත් අන්තර්ජාල සේවාවක් පිලිබදව නිරන්තරයෙන් අත්හදා බැලීම් සිදුවන අතරම තවත් දෙසකින් දුරබැහැර දුශ්කර ප්‍රදේශ සදහා විකල්ප ක්‍රම ඔස්සේ අන්තර්ජාලය ගෙන යන්නට ක්‍රමවේද සොයන්නට කටයුතු කරමින් සිටීනු දක්නට ලැබින.

         මේ අතර පැමිනෙමින් ඇති නව ප්‍රවනතාවයක් යෝජනා කරමින් සිටින්නේ offline ආකාරයට වඩ වඩාත් තම දත්ත උපාංග භාවිතට පෙලබ වන ආකාරයේ app ක්‍රියාකාරීත්වයක් ආයතන කිහිපයකම තම මීලග නිකුතූන් වල නිමිත්තක් බවට පත්වෙමින් ඇති බවයි. Google map වැනි බහුල භාවිතාවක් මෙන්ම දුෂ්කර වටපිටාවකදී පවා ක්ශනික අවශ්‍යතාවයක් වන විටදී මෙසේ offline ලෙසට සහයට පැමිනෙන්නට හැකිවීම අත්‍ය අවශ්‍ය බවටයි යෝජනා වන්නේ.එසේම උපාංග අන්තර්ජලය ඔස්සේම තම ජාල ගතවීම සෙවීම වෙනුවට තමා අවට ඇති හිතවතුන්ගේ උපාංග සමග Wi-Fi වැනි ක්‍රම ඔස්සේ සම්බන්ද වීමට හැකිවීම කෙරෙහි වැඩි අවධානයක් නිපදවන්නන්ගෙන් පල වෙමින් ඇති බවටත් වාර්ථා වනවා. අඩු ශක්ති වැයක් ඔස්සේ තමන් අවට ඇති උපාංග සමග ජාලගතවීම ඔස්සේ වඩාත් ප්‍රාදේශීය හා නිවැරදි තොරතුරු වලට ලගා වීමේ හැකියාව ඔවුන් පෙන්වා දෙමින් සිටිනවා. මෙහිදී සමාජ ජාලා වැනි සබදතා වැඩි වශයෙන් ලැබෙන සේවා සම්බන්දිත app සදහා එවැනි යෝජනා වඩාත් ගැලපෙන බවටයි හදාරන්නන් යෝජනා කරමින් සිටින්නේ.

Facebook භාවිතාකරන්නන්ගේ privacy බව වැඩි තහවුරුකරන ටූලයක් හදුන්වා දෙයි!!!!

  Facebook නිවේදනය කරන්නේ තම භාවිතාකරන්නන් විසින් තම පලකිරීම් තම ෆේස්බුක් සබදතා අතර Share වීමේදී වඩාත් නම්‍යව හැරවීමට සහය වන මෘදු ටූලයක් එලබෙන කාලය තුලදී නිකුත්කරන්නට කටයුතු කර මින් සිටින බවකි. ආයතන පැහැදිලි කර සිටින්නේ භාවිතාකරන්නෙකුට තම පලකිරීමක්(post) default ලෙසට පැමිනෙන්නේ Public මට්ටමේ share කිරීමක් ලෙසට උවත් නව හදුන්වා දීමත් සමග පෞද්ගලිකව එක් මිත්‍රයෙක් සමග සිට සියලුම මිතුරන් අතර දක්වා පමනක් නොව සමාන කන්ඩායම් අතර මෙන්ම අවසානයේ Public මට්ටම දක්වාම තොරා බෙරා ගැනීමේ හැකියාව පවතින බවය. එසේම ඔවුන් පැහැදිලි කරනවා මෙම හැකියාවන් දැනට පලකර ඇති ඒවා සදහාද වලංගු ලෙසට වන බවයි. සමස්තයක් ලෙසට අත පසුවීමකින් අනවශ්‍ය ෆේස්බුක් සබදතා අතට පෞද්ගලික තොරතුරු පත්වීම පාලනය කරන ලෙසට සැකසෙන මෙම නව ටූලය සමග භාවිතාකරන්නන්ගේ privacy බව වඩාත් පැහැදිලිව සුරකින්න්ට අවශ්‍ය සහය ලැබෙනු  ඇති බවකි. ඉදිරි සති කිහිපය තුලදී මෙම පහසුව ක්‍රමයෙන් භාවිතාකරන්නන් වෙතට මුදා හැරෙන්නට නියමිත බවටයි පැවසෙන්නේ.

IE-8 සදහා මාස 7ක් පිලිසකර නොවූ පෙර සැකසුම් දුර්වලතාවයක්!!!

  IE-8 වල හදුනාගෙන තිබූ zero-day exploit නැතිනම් පෙර සැකසුම් දුර්වලතාවයක්න් සදහා මේ වන විට පිලිසකර යාවත්කාලීන නිකුත් නොවී මාස් අ7ක් පමන ගතව ඇති බවටයි වාර්ථා වන්නේ.  මෙම දුර්වලතාවය ඔස්සේ පහර දෙන්නෙකුට අසාධිත වෙබ් අඩවියක් කරා එන භාවිතාකරන්නෙකුගේ පරිගණකයකට දුරස්ථව හැසිරවීමේ හැකියාවක් ලබා ගන්නට හැකිවන බවටයි පැහැදිලි කෙරෙන්නේ. 2013 ඔක්තෝබරයේ මෙම දුර්වලතාවය පලමුව අවධානයට ලක්වූ නමුත් මයික්‍රසොෆ්ට් ආයතනය පවසා සිටියේ එම ආකාරයේ දුර්වලතාවයක් ඔස්සේ පහර දීම් තමන් වෙතට වාර්ථා නොවූ බවකි. එසේම එම ප්‍රකාශකයා වැඩි දුරටත් පැහැදිලි කර සිටියේ සමහර දුර්වලතාවන් සදහා පිලිසකර නිකුත්කිරීමට වැඩි කාලයක් ගතවන්නේ වඩාත් සංකීර්න තත්වයන් හමුවේ නැවත නැවතත් අත්හදා බලමින් වඩාත් පූර්න  පිලිසකරයක් සදහා විශාල කාලයක් ගතවන නිසා බවයි.

"Blackshades" හානිකරයට සම්බන්දිත 90කට ආසන්න පිරිසක් අත්වඩංගුවේ!!!!

  "Blackshades" යනු ලොව පුරා PC පරිගණක 500000කට අධික ප්‍රමානයක් ආසාධනයට ලක් කරමින් භාවිතාකරන්නාට නොහැගෙන පරිදි ඔහුගේ පරිගණකය දුරස්ථව මෙහෙයවමින් එහි වන තොරතුරු සොරා ගන්නට එයට සම්බන්දිත වෙබ් කැමරා වෙනි උපකරන මෙහෙයවන්නට හැකියාව ලබා දෙන හානිකර මෘදු කාංගයක් ලෙසටයි පිලිගැනෙන්නේ. මෙම හානිකරය නිපදවීමේලා ප්‍රධාන දායකත්වයක් දුන් බවට සැල කෙරෙන Michael Hogue නම් 23 හැවිරිදි අයෙකු 2012දී අත්වඩංගුවට පත්වූ නමුත් එම හානිකරය අකංඩව රටවල් සියයකට අධික ප්‍රමානයක මිනිසුන් දහස් ගනනක් අතට අලවි වෙමින් පැවතින.  මේ වන විට වාර්ථා වෙමින් ඇත්තේ නීතිය විසින් රටවල් 18ක් ඔස්සේ මෙම හානිකරය පතුරුවාලූ පුද්ගලයින් 90කට වඩා අත්වඩංගුවට ගෙන ඇති බවකි. FBI වෙතින් මෙසේ ආසාධිත තත්වයට පත්ව ඇතැයි සැක කෙරෙන පරිගණක හඳුනා ගැනීම සදහා ඉඟි නිකුත් කොට ඇති අතර තම පරිගණකය අසමන්‍ය ලෙසට Restart වීම webcam වැනි සම්බන්දතිත උපකරන අනවසරව ක්‍රියාත්මක වීම පරිගණකය ඔස්සේ විවෘත කෙරෙන අවසර පද සහිත වෙබ් ගිනුම් වලට පිවිසීමට නොහැකි වීම වැනි කාරනා ඒ අතර වන බවටයි දැක් වෙන්නේ. FBIවෙතින් මෙ අපිලිබදව කර ඇති දැනුවත්කිරීමේ සටහනට පහත දැක්වෙන Link ඔස්සේ පිවිසෙන්නට හැකි වනු ඇත.

http://www.fbi.gov/news/stories/2014/may/international-blackshades-malware-takedown/could-your-computer-be-infected-by-blackshades

සිලිකන් නිම්නයට ඔබ්බෙන් වන තරු මිනිසුන් ගේ කථාන්දරය.....(5)

  ලොව නිවැරදිම හා ස්වභාවිකම එලාම් ඔරලෝසුව ඔවුන් සතුය. එනම් පෙර අලුයම අවදිවන සියතුන්ගේ හඬය. යාන්ත්‍රික හෝ ඉලෙක්ට්‍රොනික ඔරලෝසුවක් මෙන් නොව පරිසර තත්වයන් අනූව එය ස්වංක්‍රීයවම සුසර වේ. වරක් අප අධ්‍යාපන ආයතනය වෙතට පැමිනි  විද්වතෙකු යෝජනා කලේ ඔරලෝසුව ඔස්සේ ඔබ කාලය පාලනය කරනවා වෙනුවට හරිම යාන්ත්‍රික විදිහට කාලයේ වහලෙකු වී ඇති බවයි. "ඔබට ඇත්තටම කාලය පාලනය කරන්නට අවශ්‍ය නම් හිරු පාලනය කල යුතුයි. තවමත් පෘතුවිය මතුපිට වන විනාශකාරී බල වේග ඉදිරියේ පවා අසරන වන අප ශිස්ඨාචාරයට එතරම් දියුනුවක් ලබන්න තව වසර සිය දහස් ගනනක් වත් යාවි. අඩු තරමින් ස්වභාවික පරිසරයෙන්  මහ ඈතක නොවන අපේ මිනිස් සිරුරට වඩාත් ගැලපෙන කාල මිනුම් රටාවක් වත් අපට දියුනු කර ගන්නට බැරි වෙලා තියෙනවා කියන එක අප පිලිගන්නට ඔනේ.සමහර විටක ඒ බව අප ලබා ගන්නට අවශ්‍ය වන තාක්ශනයේ ලදරු තත්වයට වත් අප පිවිස නැතිව ඇති." එය අපූරු දේශනයක් විය.

              ප්‍රබෝධමත් දිනක් ‍රැගෙන නැගෙනහිර කඳු වලලෙන් හිරු එබී බලන්නට පටන් ගෙන ඇත. නෑවත වතාවක් ජීවිතයේ හමුවූ අපූරුතම විවේකය, නැතිනම් ප්‍රබෝධමත්ම අධ්‍යාත්මික අවකාශයේ නෙත්මානයට පැමින සිටින්නෙමි. හැකි ඉක්මනින් ගමන් මල්ල සකසා ගෙන ගේ හිමියා හමුව ස්තූති කොට ආශ්‍රම කඳු පෙල දෙසට දිවෙන මාවතට පිවිසුනෙමි.මාවත දෙපස වන රුක් ගොමු ප්‍රබෝධමත් කුරුලු හඬ සමග නෙතට පමනක් නොව සිතටද ගෙනෙන්නේ මහත් අවදියකි. ටිබෙටියානු මිතුරා සිහියට නැගේ. සකසා ගත් අඟුරු කැබැල්ලකින්  පවා මේවන් දසුන් ගොරහැඬි මතුපිටක පවා ශාන්තිමත් බව නොසැගවන පරිදි සටහන් කරන්නට ඔහු සමතෙකි. ඔහු වරක් පවසා සිටියේ නෙතින් උරා ගන්නා දැක්ම වඩාත් සැහැල්ලු ලෙසට මාධ්‍ය මතට ගෙනෙනවා හැරෙන්නට වෙනත් කිසිවක් කෙරෙහි ඔහු අවධානය නොදක්වන බවකි.

              ගැමියන් එකා දෙන්නා තම ගොවිබිම් වෙතට යන්නට මාවතට පිවිසෙමින් ඇත. ඔවුන් අතරින් ඉද හිටක පෙර දන්නා හඳුනන අයෙකුද වේ. සෞම්‍ය සිනාවක් ඔස්සෙ තම සුහදතාවය පල කිරීම ඔවුන්ගේ සිරිතය. බොහෝ විට දෙබසකට පිවිසෙන්නට ඔවුන් අකමැතිය. මාවතට යොමු කරගත් දෙනෙතින් යුතුව යුහුසුලුව තම දවස අරබන්නට ක්‍රියාකරයි. විශාල ගොවි බිම්  අස්වද්දන්නට ඔවුන් යාන්තික සහය නොලබයි. ඔවුන්විස්වාස කරනුයේ තම ශ්‍රමය ගොවි බිම වෙතට පිදෙන විට නිරෝගීකම මානසික සහනය බිම් ඔස්සේ තමන් වේතට පැමිනෙන බවකි. ඔවුන් අතර පූර්න සුදුසුකම් ලත් වෛද්‍ය වරුන් , ඉන්ජිනේරුවන් පවා සිටිති. මේ අපූරු මිනිසුන් ලොව සම්මත දැනුම තම වඩාන් දියුනු සාම්ප්‍රධායික දැනුම දියුනු කරන්නට භාවිතා කරනා විනා එහි වහලුන් නොවීම ස්වභාවයයි.

Google Glass දෙවන පරම්පරාව නිර්මානය වෙමින් තිබේ!!!!

  Google ආයතනය මේ වන විට තම Google Glass වල අත් දැකීමට එක් වන්නට සාමන්‍යය භාවිතාකරන්නන් හට විවෘත කොට තිබෙනවා. ඇමරිකානු ඩොලර් 1500කට මිල කොට ඇති මෙම උපාංගය මෙසේ උනන්දුවන්නන් සදහා විවෘත වෙද්දී ආයතනය දෙවන පරම්පරාවේ Google Glass උපාංගය සංවර්ධනය කිරීම ආරම්භ කර ඇති බවටයි වාර්ථා වන්නේ. තවමත් එම ආයතනය තම උපාංගයේ දෙවන සංස්කරනය සමග පැමිනෙන විශේෂතා නිල ලෙසට නිවේදනය කර නැති මුත් ආයතනයේ R&D කන්ඩායම භාවිතාකරමින් සිටින (optical coatings) වැනි අමතර තාක්ශනයන් කිහිපයක්ම එම උපාංගය වෙතට මුසු කරමින් සිටින බවටයි නොනිලව පලවන තොරතුරු හෙලි කරන්නේ. දැනට වන බලාපොරොත්තුව වන්නේ එලබෙන මාසයට නියමිත ගූගල් හි  I/O developers conference වලදී මේ පිලිබදව වැඩි දුර තොරතුරු හෙලි වනු ඇති බවටයි . එසේම මේ වන විට හෙලිවන තොරතුරු පවසන්නේ Google Glass වලට විකල්ප විය හැකි සමහර විටක අඩු පහසුකම් ඇති උපාංග අඩු මිලැතිව වෙළඳ පොලට පැමිනීමේ ඉඩකඩ පිලිබදව ආයතනයන් කිහිපයකින්ම අවධානය යොමු කරමින් සිටින බවයි.

සිලිකන් නිම්නයට ඔබ්බෙන් වන තරු මිනිසුන් ගේ කථාන්දරය.....(4)

  සමහර විටක වේලාව මධ්‍යම රාත්‍රියට ආසන්නව තිබෙන්නට ඇත. අප පිලිසඳර අවසන් බව හගවමින් නිවැසේ ප්‍රධානියා තම අසුනින් නැගී සිටියාය.ඔවුනටම ආවේනික වූ අපූරු සංස්කෘතික රටාවන් පිලිබදව අපූර්ව තොරතුරු වලින් පිරී තිබූ එම සංවාදය මාතුල ඇති කර තිබුනේ මහත් තෘප්තිකර බවකි. බුද්ධිමය ප්‍රබෝධයකි. තීව්‍ර මට්ටමක චෙස් ක්‍රීඩාවකදී හදිස්සියේ මනස හඳුනා ගන්නා නව රටාවක් ඔස්සේ සිතට දැනෙන ආකාරයේ අපූර්ව රසයකි. තවත් විටක සංකීර්න පරිගණක පද්ධතියක් වෙනුවෙන් සැකසෙන ඇල්ගොරිතමයක් සදහා වඩාත් නම්‍ය නව රටාවක් සිත හඳුනාගත්විට ඇති වන ආකාරයේ සතුටකි. වඩාත්ම සරලව එක කාරනයක් අවධාරනයෙන් පැවසිය යුතුය. ඔවුනගේ සංස්කෘතික රටාවල අමුතුම අස්වාභාවික ලෙසට දැනෙන දෑ වලින් සමන්විතව ඇති බවක් නොදැනුනද අප දන්නා හඳුනන සංස්කෘතීන් වසර සිය දහස් ගනනක් ඔස්සේ වර්ධනය වෙමින් තිබුනද හඳුනා ගෙන නැති වඩාත් පහසු මිනිස් මිත්‍ර ස්වභාවයන් ගෙන් ඒවා සමන්විතව තිබීමය.

                                                     ස්වභාවික දැ වලින් නිමව තිබුනද නිදි යහන සුවපහසු බවක් ගෙනේ. නිඳි යහනේ දකුනු ඇලයටවී ඔබ්බෙන් වන කවුලුව තුලින් බැලූ විට පෙනෙන්නේ කඳු බෑවුමට පහලින් වන විශාල වගා බිම් යායය. ඊටත් දුරින් පෙනෙන්නේ ආශ්‍රම කඳු යායය. කඳු බෑවුමේ තැනින් තැන පෙනෙන නිවෙස් වල ආලෝක සිලු මෙන්ම වගා බිම් වලද තැනින් තැන වන තාවකාලික නිවෙස් වල දැල්වෙන ගිනි මැලයන් මෙන්ම ඇතින් දිලෙන තරු කැට පරිද්දින් පෙනෙන ආශ්‍රම භූමියේ පහන් සිලු සියල්ල එකව මැවෙන්නේ අසිරිමත් දසුනකි. එයට එකවන ඈතින් ඉදහිට ඇසෙන රාත්‍රී මිත්‍ර වන සතෙකුගේ හඬවල් එක්වන විට අත්දැකීම වඩාත් සිත්ගන්නා සුලු වේ. ඔවූහුගේ දු දරුවන් රටේ ප්‍රධාන අධ්‍යාපනයෙන් ඉවත් කර දැමීමක් නොමැත. නමුත් ඔවුන් රටේ අධ්‍යාපනයට පිවිසෙන්නට පෙර තම ප්‍රාදේශීය දැන මුතුකම් වලින් පරිනතවේ. සම්මත අධ්‍යා පනයට අනූව සිතන විටදී "පෙර පාසැල් දරුවන්" හා "පරිනතබව "  එකට නොගැලපෙන වදන් දෙකක් ලෙසට හැගෙනු ඇත. සත්‍යනම් මෙහිතී ඒවා එසේ වෙයි. තමන්ගේ අනන්‍ය බව මේ දරුවන් තමන්ගේ ද්විතීක අධ්‍යාපනයට පෙර හඳුනා ගනි. එය පදනමව ලොකයේ අධ්‍යාපනයට පිවිසෙන ඔවුන් තුලට පැමිනෙන  බාහිර දැනුමට පදනම දෙදරවා නැගී සිටින්නට නොහැකි වේ. සමහර විටක ඔබ වැරදිය. මා මෙ අකියන පෙර අධ්‍යාපනය  බිය ගැන්වීමක් නැතිනම් වෙන යම් ආකාරයක අනිසි මනස් ගත කිරීමක් නොවේ. එය වඩා පුලුල් අවබෝදයකි. අපගේ සුවිශේෂී දැනිම් කාරනාපවා ඔවුනගේ ප්‍රාතමික ආභාශයන් ඉදිරියේ යෝධයන්වී හදාරන්නන්ගේ මනස් අත්පත්කරගන්නට අසමත්වේ. වරක් ප්‍රකට විද්වතෙකු කල ප්‍රකාශයක් සිතට නැගේ. "බොහෝ විට දැනුම ගොඩ නගන්නේත් වෙනස්කරන්නෙත් විද්වතුන්ට අයිති සම්මත් ඇදුම් පැලඳුම් පැලඳ ගත් සහතික කල දැනුම ඇත්තන් විසින්ම නොවේ".

Pubudu Siriwansa

වින් 8 සදහා වින්8.1 update කිරීම ජූනි 10ට පෙර නොලැබුන හොත් ඉදිරි update නොලැබී යනු ඇත.....

  Microsoft සමාගම නිවේදනය කර සිටින්නේ තම වින්ඩෝස් 8 මෙහෙයුම් පද්ධති Windows 8.1 වෙතට update කිරීම සදහා වූ කාලය තවත් දින 30කින් දිගු කරන්නට තමන් තීර්නය කර ඇති බවකි. ආයතනය windows 8.1 නිකුතුවේදී පවසා සිටියේ මෙම මැයි 13ට පෙර වින්ඩෝස් 8 මෙහෙයුම් පද්ධති නව අනි සංස්කරනය වෙතට update නොකල හොත් ඉදිරියට එම මෙහෙයුම් පද්ධති සදහා යාවත්කාලීන නොලැබීමක් සිදුවනු ඇති බවයි. මෙම නව තිර්නයත් සමග වින්ඩෝස් 8 භාවිතාකරන්නන් හට තම මෙහෙයුම් පද්ධති වින්ඩෝස් 8.1 වෙතට ඉහල නැවීමේ කාලය ජූනි 10 තෙක් දීර්ග වනු ඇති බවටයි දැක්වෙන්නේ. තම පරිගණකයන් හට මෙලෙස අඛංඩව යාවතාකාලීන නොකඩවා ලැබීමේ පහසුව වඩාත් ආරක්ශාකාරී පරිගණක භාවිතාවකට වැදගත් වන අතර විශේෂයෙන් මෙහෙයුම් පද්ධතිය වෙගවත් සංස්කරන නිකූතුන් රාමුවක් යටතේ තිබෙන විටදී වඩාත් වැදගත් වනු ඇති බවටයි හදාරන්නන්ගේ අදහස වන්නේ. enterprise මට්ටමේ මෙහෙයුම් පද්ධති සංස්කරන සදහා මෙම කාල සීමාව එල බෙන අගෝස්තු 12 දක්වා පෙර දක්වා තිබුන අතර එම දින වකවානු වල වෙනසක් මේ දක්වා එම ආයතනය දක්වා නොමැත.

සිලිකන් නිම්නයට ඔබ්බෙන් වන තරු මිනිසුන් ගේ කථාන්දරය.....(3)

  කෙමෙන් දැඩිවන අඳුර පිලිසඳරට පාවඩක් සේය. අප කාගේත් ජීවිතයේ හමුව ඇති බොහෝ පිලිසඳරවල් නිමේශයන් නිමේශයට කැදවාගෙන යන්නේ වෙහෙස වෙතටය. එසේ නොවන අවස්ථාවන් කලාතුරකින් ගමුවේ. මේ එවැන්නකි.විටක ඔවුනගේ මුතුන් මිත්තන් ගැන තොරතුරුය. තව විටක වර්ථමාන සිදුවීමක්ය. අපූර්වතම දේනම් ඒවා සියල්ල සමග හුයක් මෙන් ගලායන නිමිත්තය. භාෂාව සංකේථ පද්ධතියකි. ප්‍රත්‍යක්ශතා , හැගීම් වැනි විවිධ දේ ඒවා ජීවිතයට සම්බන්ද කරයි. විටක ආසන්න ප්‍රදේශ දෙකක වෙසෙන්නන් අතර පවා මේ අතර ඇත්තේ මහත් පරස්පර තාවයකි. විටක එම සංවාදයන් සංස්කෘතික වැනි කාරනා දෙසට යොමුවන විට එම පරතරය වඩ වඩාත් දැනෙන්නට ගනී. පුදුමයකි, මේතැනදී එවන්නක් නොහැගේ. භාෂාව අභිනය ඉක්මවා ගිය සංවාදයක් මේ පෙනෙන දකින අපගේ සංවාදයට යටින් තිබෙන්නාක් වැනිය. මා වැනි ඉතා දුර බැහැර ප්‍රදේශයකින් පැමිනි අයෙකුට මෙසේ දැනීම සිත තුල විමතියක් ඇතිකරවයි.

               මා පෙර කී අසුන් වල තවත් රහසක් වෙයි. එනම් ඒවා සකස් කර ඇත්තේ දෙයාකාරයකට අසුන් ගන්නටය.එක් ආකාරයක් නම් තමා සමග අසුන්ගෙන සිටින සගයන් සමග පහසුවෙන් සංවාදයක යෙදෙන්නට හැකි වන අයුරිනි. අනිත් ආකාරයනම් එම අසුන් වල හාන්සිවන කොටස වෙනස් කිරීමෙන් පහසුවෙන් දිගා වී අහස් කුස දෙස බලන්නට හැකි වන ලෙසටය. බොහෝ දිනයන්හි පැහැදිලි අහස් කුසක් පැමිනෙන මෙම කඳුයායේ සිටින අයෙකුට විශාල කෝනයක් දක්වා දිවෙන අහස් පරාසයක් දැක ගන්නට හැකිය. ක්‍රමයෙන් පිලිසඳර නිහඬ වෙමින් අහස් කුස දෙසට තම අවධානය යොමුවීම සිදුවේ. කුඩා දරුවෙක්යු පවා නිහඬව මවු ඇකයේ සිට පවා ඒ නිහඬ අභ්‍යාසයට එකගවීම සිත් පුදුම කරවන අත් දැකීමකි. එය සමහර විටක භාවනාවක් වැන්නක් විය හැක. තවත් විටක පරම්පරාවෙන් පරම්පරාවට පැමින  ඇති අධ්‍යාත්මික බැදියාවක් විය හැක.

           පෙර පැමිනි විටක දී මා මෙන්ම ආසියාතික පරිසරයකින් පැමින සිට ගබඩා භාරකරු ගම්මුන්ගේ මේ අපූරු ස්වභාවයන් පැහැදිලිකර දෙන්නට උත්සාහ කර තිබිනි. ඔවුන් දැඩි පුද්ගලත්වයකින් හෙබි අය නොවූවාය. මට සිලි‍ටු බවක් ඇති ඔවුනගේ අධ්‍යාත්මයට සමීප වීම ඉතා පහසුය. නමුත් කලපනා කාරී විය යුත්තේ අනවශ්‍ය පිවිසීම් වලට උත්සාහ නොකිරීමටය. ඔවුන් කලහාකාරී නොවෙයි. ආක්‍රමනශීලී හැසිරීම් නොපෙන්වනවා සේම ඉතා සංවේදීව ආගන්තුකයාව ගැනීමට කටයුතු කරයි. ගබඩාකරුගේ ආශ්‍රමයේ ගෙවී ගිය විසි වසරකට ආසන්න කාලය තුල මේ සංහිදියාව ආගන්තුකයෙකු විසින් ඉක්මවා ගිය එක් අවස්ථාවක් මට විස්තර කර තිබිනි. යුරෝපීය හැඩි දැඩි පුද්ගලයෙකු වූ ඔහු මෙසේ රාත්‍රියකදී ආගන්තුකයෙකුව සිටින අතර අනවශ්‍ය කලහාකාරී හැසිරීමක් පිලිබදව ඒ සිද්ධිය විය. දෑතේ ඇගිලි තුඩු වල ඉතා සරල හැසිරවීමකින් යෝධයෙකු බඳු ඔහුව අඩපන කොට ආගන්තුක කුටියේ නිදී යහන වෙතට ගෙන ග්ෆොස් දමන්නට නිවැස් හිමියා කටයුතු කොට තිබිනි.

සිලිකන් නිම්නයට ඔබ්බෙන් වන තරු මිනිසුන් ගේ කථාන්දරය.....(2)

  බොහෝ රාත්‍රීන්හි මෙම ගම්මානයන්ගේ නිවැස්වල ගිනිමැලයක් ගැසීම සාමාන්‍ය සිරිතකි. බොහෝ විට අදුරත් සමග පැමිනෙන අධික ශීතල බව දරාගන්නට ඒවැන්නක අවශ්‍යතාවය ඇතිවේ.එම ගිනිමැලය වටා පවුලේ සියලු සාමාජිකයන් අසුන් ගැනීම සදහා දැවයෙන්ම සකස් කල මිටි අසුන් පෙලක් නිරන්තරයෙන්ම සූදානමින් ඇති අතර පැමිනෙන අසල් වැසියෙකු මෙන්ම අමුත්තෙකු සදහාද නිරන්තරයෙන් අසුන් පනවා තිබීම මෙහි සාමාන්‍ය සිරිතකි. දෛනික ජීවිතයේ විවිධ දෑ කථාබස් කරන්නට පමනක් නොව ගැබුරු හඬින් වැයෙන ඔවුනටම ආවේනික වු ගීත විශේෂයක් ගයන්නට මෙන්ම තවත් විටක අතීත මුතුන් මිත්තන් පිලිබදව වන අපූරු කථාබහටද එය අවස්ථාවක් වේ. පරපුරෙන් පරපුරට ඔවුනගේ අනන්‍යතාවය සම්ප්‍රක්ශනය වන්නට දවසේ හොඳ හෝරාව ලෙසට එම කාලය වෙන්වී තිබේ. සාමන්‍ය සමාජ විද්‍යාත්මක කාරනා මෙම සමාජයන් අතර අතර්කික වන්නේ  අපූර්ව ලෙසටය. දෛනික ජිවිතයේ ඔවුන් යොදා ගන්නා උපාංග වල සිට සමාජ ස්වභාවයන් ගලා යන ආකාරය දක්වාම මෙම වෙනස් බව දැකිය හැක. ඉමහත් සාමකාමී ජීවන රටාවකට උරුම කම් කියන ඔවුන් සත්ව මාංශ ප්‍රිය නොකරයි. ඉතා බිහිසුනු සතුන් සමග පවා ක්‍රියාත්මක වන්නේ වෙනස්ම ආකාරයකටය. කීහිප විටක්ම මා දැක ඇති පරිදී විශකුරු සතුන් පවා ගම්වාසීන් වෙතින් ඉවත්ව යන්නේ පෙර වන ගිවිසුමක් පරිදි මෙනි.

                              පිටි වර්ගයක් හා තවත් ශාකමය කොටස් එක් කොට තැනූ ආහාරයක් අප සියල්ලන් වෙතටම බෙදා දුන්නේ නිවසේ ප්‍රධානියා විසිනි. නිහඬ සන්සුන් ඔවුනගේ ගමන් රටා පවා ආශ්‍රම වෙතට ලංව ඇති බවට ඉගි කරන සුලුය. සමාජ වියතුන් විස්තර කරන සමබර සාමාජයක් සදහා පීඩකත්වය සදහා මෙහි අවකාශයක් නැතිවීම අපූර්ව අත්දැකීමකි. "සමහර විටක ජීවවිද්‍යාත්මක බව හා සාමජවිද්‍යාත්මක බව අතර පරතය සමනය වූ සංස්කෘතීන් අපේ මේ පෘතුවි තලය මතම තිබෙනවා විය හැකියි. එවගේම එම ජීවවිද්‍යාත්මක මූල බීජ පෘතුවි සීමාව ඉක්මවාගිය ප්‍රභවයක් ඔස්සේ සංස්කරනය වූ ඒවා වන්නටත් පුලුවන්. මම මේ ඔබට යෝජනා කරන්නේ විද්‍යාත්මක ප්‍රබන්ධවල එන පිට සක්වල යානා වැනි සිදුවීමට ඇති සංභාවිතාව ඉතාම අඩු කාරනාවන් ගැනම නොවේ. මානසික තරංග වගේ දෙයක් ගැන. සමාන සුසරයන් ඔස්සේ ඒවා එක්වීමක් ගැන. හරියට අන්තර්ජාලය වගේ. එහිදී සිදුවන TCP/IP එකගතාවය ඔස්සේ පෘතුවිය පුරා පැතිරුනු පරිගණක වලට එකම යායක් වන්නට පුලුවන් වුනා වගේ දෙයක් මානසික තලයේදී වෙන්නට බැරිද???" කලකට ඉහතදී අප විශ්වවිද්‍යාලය වෙතට පැමිනි සමාජ විද්‍යාව පිලිබදව විද්වතෙකුගේ විග්‍රහය නැවත නැවතත් මෙනෙහි වන සුලුය.

Pubudu Siriwansa

Windows වල හෙට දවස!!!!

  Microsoft වෙතින් මෑතකදී පලවූ වාර්ථා අතර ඇගවීමක් වූවේ එම ආයතනය නොමිළේ භාවිතාකල හැකි cloud based මෙහෙයුම් පද්ධති සංස්කරනයක් සංවර්ධනය කරමින් සිටින බවකි. බොහෝ විට ගූගල් හි Crome OS ආකාරයේ මෙහෙයුම් පද්ධතියක් ලෙසට එය නිර්මානය වනු ඇති බවටයි හදාරන්නන් බලාපොරොත්තුවන්නේ. මීටත් පෙර සිටම මෙහෙයුම් පද්ධති තරගය තුල තම අනන්‍යතාවය ‍රැක ගැනීමට නම් මිළෙන් අඩු හෝ නොමිළේ භාවිතාවට නිකුත්කල හැකි Windows මෙහෙයුම් පද්ධතියක අවශ්‍යතාවය පිලිබදව අවධානය යොමුව තිබෙනු දක්නට ලැබෙන ඇගවීම් විටින් විට පල වෙමින් තිබිනි. වින්ඩෝස්  XP සමු ගැනීමත් සමග ඇතිවූ අර්බුදකාරීත්වයට විසදුමක් සදහාත් මෙවන් අඩු මිලැති මෙහෙයුම් පද්ධතියක අවශ්‍යතාවය කථා බහට ලක්විය.

           නොනිල ලෙසට පලවන නවතම තොරතුරු හෙලි කරන්නේ මෙම මෙහෙයුම් පද්ධතිය offline භාවිතාවේදී ඉතා සීමිත පහසුකම් වලින් සම්න්විත වන අතර online ආකාරයේදී වඩාත් පහසුකම් අත්විඳිය හැකි ආකාරයට නිර්මානය වෙමින් ඇති බවකි. අඩු දෘඩාංග ඉඩක් ඉල්ලා සිටින සැහැල්ලු මට්ටමේ මෙහෙයුම් පද්ධයක් වනු ඇති බවට පැවසෙන මෙම නිකුතුව සදහා ස්ථීර මෙන්ම වේගවත් අන්තර්ජාල සබදතාවයක අවශ්‍ය වනු ඇති බවටයි බලාපොරොත්තුව වන්නේ.

             මේ වන විට Microsoft ආයතනය තම ප්‍රධාන මෙහෙයුම් පද්ධතිය වෙතට දෙවන ප්‍රධාන යාවත්කාලීනයක් Windows 8.1 update 1 ලෙසට නිකුත් කර ඇති අතර එය වඩ වඩාත් භාවිතාකරන්නාට Desktop PC භාවිතාව සදහා මිත්‍ර  ආකාරයට සැකසී තිබෙන බවයි පිලිගැනෙන්නේ. KeyBoard , Mouse ප්‍රමුක භාවිතාවට Windows 8 සමග සිදුවූ දුරස් බව යලි සමනය කරන්නට පැමින ඇති මෙම නවාංග සමග එලබෙන නිකුතුවකදී Modern app සමගද සහයෝගයෙන් කටයුතු කරන Start Menuවක පැමිනීමද මේ වන විට නිල ලෙසට ප්‍රකාශයට පත්ව තිබෙනවා. මෙම පැමිනීම සමග වන මීලග ප්‍රධාන නිකුතුව Windows 8.2 හෝ Windows 9 වැනි සස්කරනයක් ලෙසට වනු ඇති බවට විචාරනය වෙමින් ඇති අතර එම මෙහෙයුම් පද්ධතිය ස්ථාපනය වන්නේ PC පරිසරයකට වීමේදී වඩාත් KeyBoard , Mouse හිතැති ක්‍රියා කාරීත්වයක් භාවිතාකරන්නාට ගෙනෙන්නට හැකි ලෙසට ක්‍රියාත්මක වන අතර Tablet පරිසරයක ස්ථාපනය වීමේදී Tuch හිතැති Modern start-screen tiles මිත්‍ර මුහුනුවරක් භාවිතාකරන්නාට ගෙනෙන්නට හැකිවන ලෙසට  සැකසී පැමිනෙනු ඇති බවටයි බලාපොරොත්තුව වන්නේ.

                හදාරන්නන් යෝජනා බලාපොරොත්තු වන්නේ බොහෝ භාවිතාකරන්නන් අතින් Windows මෙහෙයුම් පද්ධතියේ හැකියාවන් වැඩි ප්‍රමානයක් තම සාමන්‍ය භාවිතාවන් තුලදී අපතේ යාමක් සිතුවන බැවින් බල වැය මෙන්ම දෘඩාංග සදහා වන වැය ඉතිරිකිරීමක් සදහාද මෙම සැහැල්ලු මෙහෙයුම් පද්ධතියක පැමිනීම වැදගත් වනු ඇති බව වන අතර වෙගයෙන් Desktop භවිතාවෙන් Mobile උපාංග දෙසට වන චලනය සමග තරග කරන්නටද මෙම නව නම්‍යතාවය වැදගත් වනු ඇති බවය.

FCC වෙතින් එන්නට නියමිත net neutrality විරෝධී තීරනයක්....

  අන්තර්ජාලය තුල සියලු දත්ත ගොනු සදහා සැලකෙන්නේ එක හා සමානවය. එක් දෙසකින් සැල කීමේදී Microsoft සමාගමේ වෙබ් අවකාශයට මෙන්ම ප්‍රාදේශීය තාක්ශනික උපාංග සැලක වෙබ් අඩවියක වෙබ් අඩවිය කියා දෙයකාර සැලකීමක් ඒ තුල නොමැත. රාජ්‍ය නායකයෙකු වේවා එරටේම සාමන්‍ය පුරවැසියෙකු වේවා ඔවුනගේ දත්ත ගොනු සදහා ප්‍රමුකතවයකින් සැලකීමක් අන්තර්ජාලයේ සැකසුම් ව්‍යුහය තුල නොමැත. සමහර විටක අන්තර්ජාලය ලොව මෙතරම් ජනංප්‍රිය වීමේදීලා මේ බව ප්‍රධාන සාධකයක් වන්නට ඇත. FCC වෙතින් ගෙනෙනට සැලසුම් වන නව කොන්දේසි සමග ISP කෙනෙකුට කිසියම් අයකිරීම් සමග මෙම සමාන බව බිඳිමින් එක් එක් අඩවි දත්ත ගොනු සදහා ප්‍රමුකතාවය ලබා දිමේ තැතට එරෙහිව මේ වන විට ලොව ප්‍රධාන පෙලේ තොරතුරු තාක්ශනයට සම්බන්ද ආයතන එක්ව ඇති බවටයි වාර්ථාවන්නේ. ඔවුන් පවසන්නේ පෙර කී සමාන භාවය නොහොත් net neutrality බව ඉමවා යාම බොහෝ සෙයින් ගැටලු සහගත බවක් ගෙනෙනු ඇති බවක්ය.

Google + කෙරෙහි Google අවධානය අඩුවීමක්!!!!

  Google ආයතනයේ සමාජ ජාලාව වන Google+ සදහා එම ආයතනයේ ප්‍රධාන අවධානය ක්‍රමයෙන් අවමවීමක් පිලිබදව මේ වන විට පලවෙමින් තිබෙනවා. මෙම ව්‍යාපෘතිය  සදහා වැඩි කැපවීමක් කරමින් සිටි ප්‍රධානියෙකු ආයතනය නික්ම යාම මෙන්ම එම අඩවිඅ සදහා වෙන්ව සිටි සේවක මන්ඩලයෙන් 1200ක ප්‍රමානයක් ඉන් ඉවත් කොට වෙනත් අංශ වෙතට යොමු කිරීම මෑතකදී සිදුවූ සිදුවීම් වලින් මේ බව දැක්වෙන බවටයි හදාරන්නන් යෝජනා කරන්නේ. කෙසේ වෙතත් එම හදාරන්නන් බලාපොරොත්තු වන්නේ කිසිසේත් Google+ මෑතකාලීනව අවසක් කිරීමක් නම් සිදුවන්නට ඉඩක් නැති බවකි. you tube වැනි ඔවුන්ගේ ජනංප්‍රිය වෙබ් සේවාවන් Google+ වෙතට  එකට ගොනු කිරීම වැනි පියවරයන් පවා ආපසු ගැනීමක් සිදුවන්නට ඉඩක් නැති බවට පවසන ඔවුන් Feasbook නැතිනම් Twitter වැනි සමාජජාලා සේවාවන් තරම් ජනංප්‍රිය නොවීම කෙසේ වෙතත් cricles වැනි අංගයන් ඔස්සේ භාවිතාකරන්නෙකුට තම හිත මිතුරුකම් පහසුවෙන් වෙන් කර ගනිමින් භාවිතාවට හැකිවීම මෙන්ම සේඅවන් රාශියක් එක පිවිසීමක් ඔස්සේ විඳින්නට හැකිවීම වැනි සුවිශේෂී කාරනාවන් වලදී මෙම සමාජ ජාලාව ඉදිරියෙන් සිටින බවටයි දක්වා සිටින්නේ.

අද World Password Day වේ. ඔබගේ අවසර පදයේ සුරක්ශිත බව ගැන විමසිලිමත් වන්න....

  Microsoft ,Intel, Samsung, Acer, Toshiba ඇතුලු ප්‍රධාන පෙලේ ලොව තොරතුරු තාක්ශනයට සම්බන්ද ආයතනයන් රාශියක්ම World Password Day සැමරීම සදහා එකව සිටින බවටයි වාර්ථා වන්නේ. භාවිතාකරන්නන් වෙතට තම අවසරපද ලබා දීමේදී වඩාත් සැලකිලිමත්වීම අවධාරනය කෙරෙන මෙම දිනය වසරක් පාසා මෙම දිනයේදී සිදුවේ. 2013 වසර සැලකීමේදී වැඩියෙන්ම භාවිතාවූ අවසර පදය ලෙසට 123456 ලෙසට වාර්ථාවීම සැලකීමේදී සාමාන්‍ය භාවිතාකරන්නන් සදහා මෙම දැනුවත් කිරීම කොතරම් අදාලදැයි හැගී යනු ඇත. තත්වයේ වඩාත් බෑරෑරුම් බව හෙලි කරන වාර්ථා වැඩි දුරටත් හෙලි කරන්නේ සාමන්‍යයෙන් භාවිතාවන අවසර පද වලින් 90%ක්ම පහර දෙන්නන්හට පහසුවෙන් විවෘතවීමේ හැකියාව මෙන්ම ඊමේල් හා සමජ ජාලා භාවිතාකරන්නන් ගෙන් 5 දෙනෙකුගෙන් එක් අයෙකුගේ ගිනුම් hackers අතට පත්ව තීබීමේ අවධානම පෙන්වා දී සිටිනවා. වැඩිදුරටත් හදාරන්නන් හෙලි කර සිටින්නේ සංකීර්න මට්ටමේ 8character මට්ටමේ අවසර පදයක් hacked කිරීම සදහා වැය වන්නේ පැය 5.5ක් බවයි. භාවිතාකරන්නන් වෙතට පොදුවේ ලැබෙන උපදෙස වන්නේ කලකට වරක් තම අවසර පද වෙනස් කිරීම මෙන්ම වඩාත් සංකීර්න අවසර පද නිර්මානය කර ගැනීම සදහා සහය දෙන මෘදුකාංගයක සහය ලබ ගැනීම වඩාත් හිතකර වනු ඇති බවයි. දල වශයෙන් අවසර පද මිලියනයක් පමන පසුගියවසරේ මෙම දැනුවත් කිරීමෙන් අනතුරුව වෙනස්ව ඇති බවටයි වාර්ථාවූවේ.

Ransomware හා Deceptive downloads වල ඉහල යාමක් -Microsoft පවසයි-

  Malware පිලිබදව හා ඒවා වැලකීම පිලිබදව වූ මතවාදයන්ගේ තීරනාත්මක වෙනස්කම් කිහිපයක් හදාරන්නන්ගේ අවධානයට පැමින ඇති කාලසමයක් එලබී ඇත. ප්‍රධාන මට්ටමේ ආයතනයක් පසුගියදා පවසා සිටියේ Malware සමග කටයුතු කරන ආකාරය පිලිබදව වූ ආකෘතීන් වෙනසකට ගෙනෙන්නට කාලය එලබ ඇති බවකි. ඔවුන් පැහැදිලි කලේ සාම්ප්‍රධායික ආකාරයට තව දුරටත් Malware සදහා කටයුතු කිරීම ඵල රහිත වෙමින් ඇති බවය. නුදුරු කාලයේදී නව වෙනස්කම් සහිත ආරක්ශක මෘදු කාංග වෙළඳ පොලට පැමිනීම අනිවාර්ය වනු ඇති බවටයි ඔවුන් යෝජනා කර සිටියේ.

                          මේ අතර මයික්‍රසොෆ්ට් ආයතනයේ Malware Protection Center වෙතින් නිකුත්වන නිවේදනයක් පැහැදිලි කර සිටින්නේ ransomware අන්තර්ජාලය මතට පැමිනීම මෙන්ම මෘදුකාංග තුල සැගව හානිකරයන් පැමිනීම වෙගයෙන් ඉහල යමින් ඇති බවකි. වසර ආරම්භය සමග සැලකීමේදී 45%ක ඉහලයාමක් වාර්ථා කරමින් සිටින මෙම හානිකර පැතිරීම පිලිබදව භාවිතාකරන්නන්ගේ අවධානය යොමුකරලීමේ අවශ්‍යතාවය අවධාරනය කරමින් සිටිනවා. ආරක්ශක මෘදුකාංග නිවැරදිව යාවත්කාලීනව තබා ගැනීමත් අනෙකුත් මෘදුකාංගද හැම විටම යාවත්කාලීනව තබා ගැනීමද මෘදුකාංග බාගතකිරීමකට පෙර අදාල වෙබ් අඩවිය පිලිබදව විමසිලිමත් වීමද මෙහිදී ඔවුන් පෙනව දෙන කරුනු වනවා. ඔවුන් පොදුවේ දෙන උපදෙස වන්නේ "think before you click" යන්නය. එම වාර්ථාව වැඩි දුරටත් පවසන්නේ සවර් මට්ටමේ හානිකරයන් පැතිරීම පසුගිය වසර සමග සැසදීමේදී 70%ක පහල යාමක් දක්නට ලැබීම සතු‍ටුදායක කරුනක් බවයි. 

   (ransomware වලදී සිදුවන්නේ පරිගණකයේ දෘඩ තැටිය භාවිතාකිරීමට නොහැකි වන සේ පද්ධතිය අගුලු ලැමක් හෝ  ගොනු encrypt කිරීමක් වන අතර සාමානය පරිදි පරිගණකය භාවිතාකිරිමට හැකි තත්වයට පත්කර ගැනීම සදහා එම හානිකරන්නාහට යම් ගෙවීමක් කරන ලෙසට බලකිරීමකි.)

iOS 7 වල email attachments සදහා unencrypted තත්වයේ ගැටලුවක් හදුනා ගැනේ!!!!

   ඇපල්හි iOS 7 mobile operating system වෙතින් හදුනා ගන්නා නවතම දුර්වලතාවයක් ඔස්සේ එම උපාංගයකින් යවන email attachments වල unencrypted තත්වයේ පවතින බවකි. වැඩි දුරටත් පැහැදිලි කෙරෙන්නේ iOS 7's වල 'Data Protection' අංගය සංක්‍රීයව පවතින අවස්ථාවල් වලදී පවා මෙම තත්වය පවතින බවකි. Germany ආයතනයක හදාරන්නෙකු හදුන ගෙන ඇති මෙම දුර්වලතාව නිසා බාහිර පාර්ශවයකට එම ඇමනුම් වලට අනවසර එබී බැලීමකට අවස්ථාව ඇති බවටයි තහවුරු කෙරෙන්නේ.  iPhone 5s හා  iPad 2 වැනි සංස්කරන වලට කල අත්හදා බැලීම් වලද මෙම දුරවලතාවය දක්නට ලැබූ බවට ඔවුන් වාර්ථා කරන අතර ඇපල් ආයතනය වෙතට මේ පිලිබහ්ඩව දැනුවත්කිරිම්ම් කල බවට වාර්ථාවනවා. මෙම මෙහෙයුම් පද්ධතිය වෙතට නිකුත්වූ iOS 7.1.1 යාවත්කාලීන සමගද මෙම ගැටලුව නොවිසදී පවතින බවට වාර්ථා වන අතර ඇපල් ආයතනය ගැටලුව හදුනා ගනිමින් සිටින බවටත් ඉදිරියේදී යාවත්කාලීනයක් නිකුත් කිරීමට කටයුතු කරන බවටත් වාර්ථාවනවා.

අතගිල්ලට පැලදෙන මුදුවක් වැනි උපකරනයකින්ද දත්ත උපාංගය මෙහෙයවිය හැකි වනු ඇත!!!!

  පරිගණකය නැතිනම් ඔබගේ ඩත්ත උපාංගය මෙහෙයවීම සදහා වඩ වඩාත් සරල ක්‍රම වේද සොයා යෑම හදාරන්නන්ගේ නිරන්තර ගමනකි. කී බෝඩය, මවුසය වැනි මුල් උපකරනවල සිට අතෙගිලි වල චලනය දක්වා බොහෝ දුරක් එය පැමින ඇත. පලවන අලුත්ම වර්ථා පවසන්නේ අතැගිල්ලකට පැලදෙන මුදුවක් වැනි උපාංගයක් ඔස්සේද එය කල හැකි බවකි. Nod නම් ආයතනය ඒ නමින්ම ඉදිරිපත්කර ඇති මෙම නිකුතුව අදාල දත්ත උපාංගයට සම්බන්ද වන්නේ Bluetooth සබදතාවයක් සමග වන අතර හදුන්වාදිම සදහා ඉදිරිපත්කල වීඩියෝවේදී (demo video) HALO නම් පරිගණක ක්‍රීඩාව මෙහෙය වීම සදහාත් Netflix app මෘදුකාංග මෙහෙය වීම සදහාත්  එය යොදා ගන්නා ආකරය දක්ක්වා සිටිනු ලබනවා. මෙම Nod ring ප්‍රමාන 12කින් වෙළඳ පොලට පැමිනීමට නියමිත අතර Windows, OS X, Android, iOS ඇතුලු සියලුම ප්‍රධාන පෙලේ මෙහෙයුම් පද්ධති සදහා සහය දක්වනු ඇති බවටයි ප්‍රකාශ වන්නේ. මේ වන විටත් ඩොලර් 149ක් වැනි මුදලකට මෙම උපකරනය සදහා පෙර වෙන්කර ගැනීම් ඇරබී ඇති අතර මෙම වසරේදී නිකුතුව සිදුවෙනු ඇති බවටයි බලාපොරොත්තුව වන්නේ.

John McAfee මූලිකත්වයෙන් වඩාත් ආරක්ශිත instant messaging ඇප් නිකුතුවක්!!!!

  John McAfee තොරතුරු තාක්ශන ලෝකය වෙතට අපූර්ව දායාද කිහිපයක්ම ගෙන ආ මිනිසෙකි. 1987 දී ඔහු ලොවට සාර්ථක ආරක්ශක මෘදුකාංග ගොනුවක් ඉදිරිපත් කලේය. ආරක්ශක මෘදු කාංග වෙළඳ පොල තුල සාකර්ථක අනන්‍යතාවය දිනා ගත් එම මෘදුකාංග ගොනුවේ නිකුතු McAfee Associates වෙතින් 1994දී ඉවත් වූ ඔහු Tribal Voice නමින් ආයතනයක් පිහිට වමින් ලොව ප්‍රථම instant messaging මෘදුකාංගයක්  හඳුන්වාදෙන්නට කටයුතු කලාය. තොරතුරු ලෝකයේ තොරතුරු සොරා ගැනීම් පිලිබඳව මහත් ආන්දෝලනයක් ඇති වෙමින් තිබෙන මේ යුගයේ chandder නම් Android ඇප් මෘදුකාංගයක් ඉදිරිපත් කරමින් භාවිතාකරන්නන් අතර සිදුවන  සංවාදය  unencrypted ආකාරයෙන් භාවිතාකරන්නන් අතරින්ම සිදුවන බැවින් අතර මැද සර්වරයට එම තොරතුරු නිරාවරනය නොවන අයුරින් මෙම මෘදු කාංගය නිමැවී තිබීම මෙම භාවිතාවේ විශේෂත්වය ලෙසට දක්වනු ලබනවා. එම තාක්ශනය "key server encryption" ලෙසට නම් වන අතර 256 bit AES  භාවිතයෙන් එම එන්ක්‍රිප්ට් කිරීම සිදුවන බවටයි පැහැදිලි කෙරෙන්නේ. මෙම ඇප් භාවිතාව දැනට ඇන්ඩ්‍රොයිඩ් හා වින්ඩෝස් ෆෝන් සදහා නිකුත්ව ඇති අතර iOS සදහා ඉදිරියේ නිකුත්වනු ඇති බවටයි නිවේදනය වන්නේ.

https://play.google.com/store/apps/details?id=com.etransfr.chadder

http://www.windowsphone.com/en-us/store/app/chadder/345e6606-9538-43c7-822c-1e975b28ba78

BASIC පරිගණක භාෂව වසර 50 සපුරයි!!!!

  ඒ 1960 දශකයයි. පරිගණකය සදහා වැඩ සටහන් සම්පාදනය පරිගණකය පිලිබදව වියතුන්ගේ රාජකාරියක්ව තිබූ අවධියයි. BASIC යනු පෙරකී බරපතල රාජකාරිය සාමාන්‍ය භාවිතාකරන්නන සදහාද  හැකිය බව ලබාදෙන්නට පැමිනි පරිගණක භාෂාවයි. ගෙවී ගිය ඊයේ දිනයට එම පැමිනීමට වසර 50 සපිරෙන බවටයි වාර්ථ වන්නේ. මෙම නිර්මානය math professor වරුන් දෙදෙනෙකු වූ John G. Kemeny හා Thomas E. Kurtz යන දෙදෙනා විසින් කරන ලද්දේ තම සිසුන්ට පහසුවෙන් පරිගණක භාෂාකරනය ඉගැන්වීම සදහා වන අතර එම නාමයේම අර්ථය වන "Beginner’s All-Purpose Symbolic Instruction Code" යන්නෙන්ම ඒ බව පැහැදිලි වනවා. අදටත් මෙම මෘදුකාංගය Dartmouth College වල ධාව්නය වෙමින් පවතින බවටයි වාර්ථා වන්නේ. 

                     පසුව 60 හා 70 දශකයේ පෞද්ගලික පරිගණකය ජනංප්‍රීය විමත් සමහ මෙම භාවිතාව වැඩියෙන් සිදුවන්නට පටන් ගත් අතර  Paul Allen හා Bill Gates විසින් BASICවල ඔවුන්ගේම සංස්කරනයක් නිර්මනය කරගනු ලැබුවේ Altair පරිගණකය මත ධාවනය කර ගැනීම සදහායි. ඉන් අනතුරුව 1970- 1980 දශකය වන විට Microsoft BASIC නිර්මානය වූ අතර එය වඩාත් සාමන්‍ය භාවිතාකරන්නන් වෙතට පැමිනි බවටයි වාර්ථා වන්නේ.

නිල ලෙසට සමුදුන්නද භාවිතාවෙන් සමුගෙන නැති Windows XP

   වසර 12ක සේවයෙන් පසුව Windows XP වෙතට නිල ලෙසට සමුදෙන්නට මයික්‍රසොෆ්ට් සමාගම ක්‍රියා කොට සති කිහිපයක් ගෙවෙමින් තිබුනද භාවිතාකරන්නන් අතරින් නම් එය සමුගැනීම බලපොරොත්තු වූ තරම් වේගයෙන් සිදු නොවෙමින් ඇති බවටයි පලවන නවතම වාර්ථා හෙලි කොට සිටින්නේ. එම වාර්ථාව වැඩි දුරටත් පවසන්නේ නිල ලෙසට සමු දෙමින් ගතව ගිය සති කිහිපය සැලකීමේදී එහි භාවිතාව පහල වැටීම 1.4% තරම් කුඩා අගයක තිබෙන බවයි. වෙබ් අඩවි දස දහස් ගනනක යන එන සංක්‍යා ඇසුරින් කෙරෙන එම ගනනයට අනූව ගෙවී ගිය අප්‍රේල් වන විටත් ලොව PC භාවිතාවෙන් 26.29% ලෙසට වාර්ථ වන බවටයි සටහන් වන්නේ. රාජ්‍ය මට්ටමේ මෙන්ම ආයතනික මට්ටමේද PC වල XP භාවිතාව විශාල වශයෙන් සිදුවෙමින් පවතින බවට වාර්ථා වන අතර චීන රජය මයික්‍රසොෆ්ට් ආයතනයෙන් ඉල්ලීමක් කරමින් XP සදහා සහය දක්වන කාලය පිලිබදව නැවත සලකා බලන ලෙසට ඉල්ලීමක් පවා කරන්නට යෙදිනි. මේ අතර Windows 7 භාවිතාව මාර්තු මාසයේ 48.77% ලෙසට වූ අතර එය අප්‍රේල් මාසයයේදී 49.27% ලෙසට සුලු වර්ධනයක් අත්කර ගෙන ඇති අතර වින් 8 එම කාල සීමා දෙකෙහි 6.36 - 6.41% ලෙසටද වින් 8.1  (4.89 -  5.88)% ලෙසටත් වාර්ථා වන බවටයි සටහන් වූවේ.

Online ජීවිතය වෙත වඩාත් වගකිමකින් කටයුතු කරන පූර්න Digital පුරවැසියා සපැමිනෙමින් ඇත....

   Online ජීවිතය කියන්නේ සෑබෑ ජීවිතයෙන් මහත්සේ ඈත්වූ වෙනම ජීවිතයක් ලෙසටයි තවමත් සාමාන්‍ය පිලි ගැනීම වන්නේ. බොහෝ දෙනා අතර පවතින මතයක් තමයි තමන්ගේ පෞද්ගලිකත්වය අන්තර්ජාලය දෙසට මුදා හැරීම බොහෝ සෙයින් භයානකයි කියන එක. අන්තර්ජාලය කියන්නේම මනෝව්‍යාධිකයන්ගේ පාරා දීසයක් ලෙසට ඔවුන් ඉස්මතුකර පෙන්වන්නට බොහෝ විට කැමති වනවා. නමුත් ඇත්ත තත්වය එලෙසමද? හැම විටම සැග වී සිටිමින් කලා තුරකින් පමනක් ඉස්මතුව යලි සැගවීම අන්තර්ජාල දෙසට දැක්විය යුතු සැබෑ ආකල්පයද?

               එක් හේතුවක් තමයි තවමත් Online භාවිතාව සාමන්‍ය ජීවිතයට සාපේක්ශව බොහෝ සෙයින් ලාබල එකක් වීම. විටක තවමත් තොරතුරු තාක්ශනයට සම්බන්ද විද්වතුන් පවා තමන්ගේම කියා online ජීවිතයක් නඩත්තු කිරීමට අකමැති වීම දක්නට පුලුවන්. තවමත් ඔවුනට online ජීවිතය අමතර අංගයක් පමනයි. මෙතැනදී සැබෑ සත්‍යනම් සැබෑම Digital පුරවැසියන් තවමත් තවමත් බහුතරව පාසැල් මට්ටමේ සිටීම වන්නට පුලුවන්. මිතුරෙකු සැබෑ ජීවිතයේදී හමු වෙනවා හා Online ජීවිතය තුලදී හමුවීම අතරේ ඔවුනට විශාල පරතරයක් තිබෙනවා වීම . සමහර විටකදී online ජීවිතයකදී සිදුවන එවන් හමුවක් අවශ්‍ය තරම් හැගීමක් ගෙනෙන්නට අසමත්විම ඔවුනගේ අත්දැකීම වනවා වෙන්නට පුලුවන්. නමුත් එලබෙන හෙට දවස ඉල්ලා සිටින වෙනස මග හරින්නට මෙය හේතුවක් නොවනවා ඇත. 

                                     කඩදාසියක් මත පෑන් තුඩකින් අකුරු කරනවාට වඩා පහසුවෙන් ස්පර්ශක තිරය මත තම ඇගිලි මෙහෙයවන සැබෑ Digital පුරවැසියන් බිහිවීමේ ක්‍රියා වලිය තුලම දැනට වඩා ස්වං විනයක් online ජීවිතය දෙසට වේවි යැයි අපට බලා පොරොත්තු වන්නට පුලුවන්. භෞතික හමුවීමක් කෙරෙහි විස්වාසය සමග වැඩුනු අර්ධ Digital පුරවැසියන්ට වඩා එම පූර්න Digital පුරවැසියන් මුල් ස්වභාවයෙන්ම ඒ සදහා වැඩි වැඩි ගෞරවයක් හා භක්තියක් ‍රැගෙන එනු ඇති බවටයි හදාරන්නන්ගේ බලාපොරොත්තුව වන්නේ. Online ජීවිතය සැගවී සිටිමින් සමාජ සංස්කෘතික විරෝධී හැගීම් පිටකරන්නට ‍තෝතැන්නක්ය වැනි හැගීමකට වඩා තමන්ගේ සැබෑ ජීවියේ තීරනාත්මකම සාධකයක් ලෙසට එය සලකමින් වඩාත් ගෞරවයෙන් එයත් සමග කටයුතු කරන හැගීමක් සමග පැමිනෙන ඔවුන් සමාජය භාරගන්නා හෙට දවසේදී අද මේ පවතින අන්තර්ජාලය දසට වන අර්ධ සංස්කෘතික ක්‍රියාකාරකම් වෙනස් වනු ඇති බවටයි අපහට බලාපොරොත්තු තැබිය හැකි වන්නේ.

Pubudu Siriwansa

glasses-free ආකාරයේ 4k මට්ටමේ 3D TV නිකුතුවක් මෙම වසර අවසානයේ...

  තිරයක් ඔස්සේ පියවි ඇසට 3D දසුන් පැමිනීම කෙරෙහි භාවිතකරන්නන් තුල ඇත්තේ මහත් බලාපොරොත්තුවකි. ලොව පුරා ආයතන කිහිපයකම නිරන්තර අත්හදා බැලීම් මේ සදහා නිරන්තරයෙන් ක්‍රියාත්මක බව විටින් විට පලවන තොරතුරු හෙලිකර සිටී. මෙම පලවීම් අතර නවතම පලකිරීමක් සපයන Kickstarter ආයතනය පවසන්නේ 4k මට්ටමේ glasses-free ආකාරයට නැරබිය හැකි 3D TV නිකුතුවක අවසාන අදියරෙහි සිටින බවකි. මුල් ස්වභාවයෙන්  3840 x 2160 pixels මට්ටමක තිරයක් වන මුත් 2D mode වලදී 1080p මට්ටමෙ නැරබුමකට මෙම රූපවාහිනිය සූදානමින් පැමිනෙන බවටයි නිවේදනය වන්නේ. 150 ° තරම් පුලුල් පරාසයක කෝනයක් ඔස්සේ මෙන්ම දුර සීමාවකින් තොරව 6.5ms ප්‍රතිචාර හැකියාවක් සහිතව පැමිනෙන මෙම උපකරනය මෙම වසර අවසානය වන විට ඩොලර් 1244ක් මිල කින් යුතුව වෙළඳ පොලට පැමිනෙනු ඇති බවටයි බලාපොරොත්තුව වන්නේ. Toshiba වෙතින් 2011 දී හඳුන්වාදුන් 4K මට්ටමේ glasses-free model නිකුතුවක් වූ අතර  Ultra-D වෙතින් බලාපොරොත්තුවූ පරිදි 3D නිකුතුවක් සිදුවීම තවමත් සිදුව නොමැත.

Windows 8.1 වලදී Bing සමග වඩාත් ස්මාර්ට් සොයුමක්!!!

  දෑ පහසුවෙන් සෙවීම මෙන්ම බෙදා හදා ගැනීමේ වඩාත් පහසුව පරිගණකය භාවිතාකරන්නා වෙතට ගෙනෙන සුව පහසුවන් ගෙන් ප්‍රධාන තැනක් ගනී. මයික්‍රසොෆ්ට් සමාගම වින්ඩෝස් 8 සමග ගෙන ආ වෙනස් කම් අතර මෙම කාරනාව ඉහලින්ම සදහන් වේ. පෙර සංස්කරන වලදී මෙන් වෙනම අංගයක් ලෙසට ගොඩ නැගුනු යාන්තරනයන් ලෙසට නොව සමස්ථ මෙහෙයුම් පද්ධතිය තුලටම එම බව පහසුවෙන් කාවද්දා එවන්නට ඔවුන් කටයුතු කර තිබිනි. මේ නිසාම සරලව තිරයේ වම් පසින් වන චාම් බාරය ඔස්සේ search මෙන්ම share පහසුව පරිගණකය තුලට මෙන්ම අන්තර්ජාලය දෙසට පහසුවෙන් විහිදෙන්නට සූදානම්ව සිටී. මයික්‍රසොෆ්ට් ආයතනය නිවේදනය කරන්නේ Windows 8.1 සමග දැන් වඩාත් smarter ආකාරයට සෙවුමක යෙදෙන්නට හැකි බවයි. වඩාත් පොදු කාරනාවන් සදහා වඩාත් ස්වාභාවික භාෂා යෙදුම් ඔස්සේ සෙයුම් වල යෙදෙන්නට මෙන්ම විටක නිවැරදි නොවන භාෂා යෙදුම් සදහාද ගැටලුවකින් තොරව  පිලිතුරු ගෙනෙන්නට මෙම දියුනු කිරීම් සමත් බවටයි ඔවුන් නිවේදනය කරන්නේ. උදාහරනයක ලෙසට "install a printer" නැතිනම් "my screen is to bright" වැන්නකදී help වැන්නක් දෙසට භාවිතාකරන්නා යොමු කරනවා වෙනුවට වඩාත් නිවැරදි මෙහෙයුම් පද්ධතියේ කොටස් වෙතට ඔවුන්ව යොමු කිරීම සිදුවනු ඇති බවටයි එම ආයතනය නිවේදනය කරන්නේ.

සිලිකන් නිම්නයට ඔබ්බෙන් වන තරු මිනිසුන් ගේ කථාන්දරය.....

   "සැබෑ මිතුරන් හට කාලය එතරම් බාදකයක් නොවේ". ආදරනීය ටිබෙටියානු මිත්‍රයාගේ සටහන කිසි දිනක නොමැකෙන්නකි. වසර ගනනාවකට පසු ආශ්‍රමය සොයා නැවත එන ගමනේදී ඈත කඳු හෙල් අතරින් ආශ්‍රම කදුමුදුනත දකිත්ම ජීවිතයේ විඳි අපූර්වතම සටහන පෙල නවත අවඳිවන්නේ නිතැතිනි. කෙමෙන් නාගරික බවින් මිදෙමින් ගම්මානයට පිවිසෙන විටම සිතේ ඇතිවන සහනසීලී බව අපූර්ව ශාන්තියක්ව අතීතයේ විඳි නිශ්චල බවේ රස මුසු මොහොතවල් මනසේ අතීත ගබඩාවේන් අවදි වන්නේ නිරාසයෙනි. ඉද හිටක හමුවන ගැමියන්  අතර සුපුරුදු සිනහවල් අතරින් පතර හමුවේ. දියුනුව වනාහි කෘතීම දෑ වලින් ජීවිතය වසා ගැනීම යැයි විස්වාස කරන නාගරික අර්ථයන්ට අනූව නම් මා මේ පසු කරමින් සිටින්නේ අලස මිනිස් පරිසරයකැයි උපකල්පනයක් කැදවනු සුලුය. දියුනු කල මනස ඔස්සේ තම පරිසරයේ දෑ අතරින් තොරා ගත් දේ සමග කල දියුනුව අනෙකුත් බොහොමයක් වූ සාමාන්‍ය මිනිසුන් සමග බෙද හදා ගන්නා ක්‍රම වේදය මෙහෙට අදාල නැතුවා සේය. මිනිස් පරිනාමයේ වැරදුනු ක්‍රියාවලියට අප අයත්දැයි සැක සිතෙන තරමේ අධ්‍යාත්මක දියුනුවක් ඔවුන් සිටින බවටනම් හේතු කාරනා මෙහි බොහෝය. සාමාන්‍ය අපගේ ජීවිත වරනගා ගන්නට භාවිතාවන ව්‍යාකරනයන් මෙ මිනිස් සාමාජයට අදාල නැතුවා සේය. ඔවුනගේ දියුනුව එකි නෙකාට එරෙහිව නොවීම අපූරු ශාන්තිමත් බවක් කාතුලටත් ගෙනෙන්නට දොර‍ටුවක් මෙනි. මා විශ්වවිද්‍යාල සමයේදී සවන් දෙන්නට හැකිවූ ආරාධිත දේශනයක්  මතකයට නැගේ. ආසියාතික විද්වතෙකු වූ ඔහු සංස්කෘතික ආගමින දේශපාලනික කාරනා සියල්ල තොරතුරු හා තොරතුරු සකසන වැඩසහන් වලට වඩා යමක් නොවේ යැයි පැහැදිලි කලාය. සමස්ථ ලොකයම තොරතුරු ගොනුවක් පමනැයි ඔහු යෝජනා කල සිටියාය. සිලිකන් නිම්නය මේ තොරතුරු බව වඩාත් ප්‍රායෝගිකව පැහැදිලි කල සිදුවීමක් බව ඔහුගේ අදහස විය.

         දෙපා වාරුවට හිරුගේ දවස පරදවා ලන්නට නොහැකිය. දෙවන කඳු පෙල මුදුනතට යාන්තමින් ලගා වන්නට හැකි වුවා පමනී. සොබා දහමේ තවත් කාර්ය බහුල දවසක් නිමා වන්නට සූදානම් බව පවසන තද රතු පැහැති හිරු කිරන මඩල විසල් වසර ගනනක් වියැති රුක් ගොමු අතරින් ගලා එන්නට විය. කදු මුදුනත විශාල තැනි තලවේ බට හිර අන්තයට වන නිවසක ආගන්තුක කුටියකට අවසර ලබා ගන්නට තීර්නය කලෙමි.