"August Update" මෙම මස 12 නිකුත්වේවි!!!

  Windows 8 සදහා පැමිනෙන මීලග අනු ප්‍රධාන යාවත්කාලීනය update 2 ලෙසට නොව "August Update" ලෙසට නම්වෙනු ඇති බවටයි මේ වන විට තොරතුරු හෙලි වෙමින් ඇත්තේ. හදාරන්නන් බලාපොරොත්තුවූ පරිදි විශාල වෙනස්කම් ප්‍රමානයක් නොගෙනෙන යාවත්කාලීනයක් ලෙසට මෙම නිකුතුව පිලිබදව බලාපොරොත්තුවූවද නොනිල තොරතුරු වැඩි දුරටත් අනුමාන කරන්නේ පෙරදී Threshold නැතිනම් මීලග ප්‍රධාන windows සංස්කරනය සමග පැමිනෙනු ඇති බවට බලාපොරොත්තුවූ Start menuව මෙම නිකුතුවට අඩංගුවීමේ ඉඩක් ඇති බවකි. මයික්‍රසොෆ්ට් සමාගමට තම මෙහෙයුම් පද්ධතිය desktop භාවිතාවකදී windos 7 හා සමාන ස්වරූපයකට ගෙන එන්නට උත්සාහකරමින් සිටින අතර ඉදිරියේ පැමිනෙන ප්‍රධාන සංස්කරනයත් සමග එකම මෙහෙයුම් පද්ධතියක් වුවත් ස්ථාපනය කරන උපාංගය අනූව වඩාත් හිතකර අංගයන් ක්‍රියාත්මක වෙමින් භාවිතාකරන්නාහට වඩාත් පහසු නම්‍ය පරිසරයක් ගෙනෙනු ඇති බවට බලාපොරොත්තුවෙමින් තිබෙනවා.මෙම August Update සමග සමස්තයක් ලෙසට ඒතරම් කැපී නොපෙනෙන UI දියුනුකිරීම් කිහිපයක් සමන්විත වනු ඇති බවට තොරතුරු පවසන අතර එය මේ  මස 12 දින පැමිනෙනු ඇති බවටයි අපේක්ෂාව වන්නේ.

මීලග වින්ඩෝස් අනු නිකුතුවක් අගෝස්තුවේදී?

  Windows 8 සදහා මීලග සිදුවීම කුමක්ද යන්න අවධානය යොමුව ඇති තවත් ප්‍රධාන කාරනාවකි. Windows 8.1 update 1 නිකුතුව  වර්ථමාන අවසන් සංස්කරනය ලෙසට පැමින ඇති අතර windows 8 භාවිතාකරන්නන් සදහා තව දුරටත් යාවත්කාලීන ලබා ගන්නට නම් ඉදිරි සීමිත කාලයක් තුලදී මෙම නවතම සංස්කරනය වෙතට තම මෙහෙයුම්පද්ධති නංවාගත යුතු බවට මේ වන විටත් වින්ඩෝස් 8 හා 8.1 භාවිතාකරන්නන් වෙතට මේ වන් විටත් නිවේදනය කර අවසන්ය. නිකුත්වන නොනිල තොරතුරු වලට අනූව පැවසෙන්නේ වින්ඩෝස් 8.2 සංස්කරනය අගෝතුවලදී පැමිනීමට ඇති ඉඩකඩ බොහෝ බවයි. එම සංස්කරනය අලුතින්ම ස්ථාපනයට යාමේදී 3GB ගොනුවක් වනු ඇති බවටද තොරතුරු හෙලි වෙමින් ඇති මුත් විචාරනය වන්නේ එය සත්‍යයක් නොවිය හැකි බවකි. update 3 වලින් පසුව windows phone වලටද පැමිනීම සිදුවනු ඇති බවට අනුමානනය වෙමින් පවතිනවා. 2015 දෙවන හෝ තෙවන කාර්තුවේදී Windows 9 පැමිනීමක් බලාපොරොත්තුවන අතර පෙරකී update 3 සදහා ප්‍රධාන සංස්කරන නාමයන් නොපැමිනෙනු ඇති බවටත් තොරතුරු පලවනවා.

Microsoft වෙතින් මීලගට එන්නේ නොමිළේ භාවිතාකල හැකි මෙහෙවුම් පද්ධතියකි....

  ලොව භාවිතාවන පරිගණක ඇසුරින් වැඩිම මෙහෙයුම් පද්ධති භාවිතාවකට හිමිකම් කියන windows වල මීලග හැරවුම කොයි දෙසටද යන්න හදාරන්නන්ගේ නිරන්තර අවදිමත්වීම් වලින් ප්‍රධාන එකකි. ඔවුනට එය ආයතනයක වෙළඳ භාන්ඩයකට වඩා තොරතුරු තාක්ශනයේ සාමාන්‍ය  ස්වභාවය හෙලිකර දෙන මාපකයකි. එම ආයතනය Windows 8 හඳුන්වා දෙමින් සාමන්‍ය භාවිතය Desktop භවිතාවෙන් Tablet දෙසට බවට පෙර නිගමනයකට එලබියාය. එහෙත් භාවිතාකරන්නන් දෙසින් වූ ප්‍රතිචාරය වූවේ ආයතනය ඉක්මන් වැඩි බවකි. ආයතනය එය පිලිගනිමින් පියවරක් පසුපසට ගෙන Keyboard , Mouse ප්‍රමුක භාවිතාව දෙසට Windows 8.1 update 1 සමග පැමිනියේය. Build 2014 සමග Start Menu වේ නැවත පැමිනීමද නිවේදනය කරන්නට ඔවුන් කටයුතු කලාය. එලබෙන කාලය තුලදී එම මෙනුව සමග තවත් මෙගා මට්ටමේ යාවත්කාලීනයක් පිලිබදව හදාරන්නන් අනාවැකි පලකරමින් සිටී.

                       මයික්‍රසොෆ්ට් සමාගම තමන් මෘදුකාංග සමාගමක් ලෙසට වූ ප්‍රධාන අර්ථය වෙනස් කරමින් භාන්ඩ හා සේවා ආයතනයක ලෙසටත් නැවත අර්ත නංවාගන්නට කටයුතු කලාය. අනාගතයේ තම ප්‍රධාන මෙහෙයුම් පද්ධතිය සේවාවක් ලෙසට Cloud මූලික ස්වභාවයකට පත්වීම කෙමෙන් ඉගි පලකරන්නට පටන් ගනු ලැබුවේද මීට සමාන්තරවය. හදාරන්නන් යෝජනා කරමින් සිටින්නේ බොහෝ විට එම මෙහෙයුම් පද්ධතිය නොමිළේ ලබා දෙන එකක් වී අමතර පහසුකම් එයට එක් කර ගැනීමේදී මුදල් ගෙවන්නට සිදුවනු ඇති බවකි. තම තරගකාරී සමාගම් සැලකීමේදී ඔවුන් විසින් ලබා දෙමින් ඇති තරගය තුලදී එසේ කරන්නට බලකිරීමක් පෙනෙන්නට ඇති බවටයි ඔවුන් පැහැදිලි කරන්නේ.

                  මයික්‍රසොෆ්ට් ආයතනය තම නිෂ්පාදන සමග විටක ඉක්මන් වැඩි වීමක් මෙන්ම විටක ඔනෑවට වඩා පමාවීමක් පෙන්වීම තවත් හදාරන්නන්ගේ විවේචනය ලබා ගන්නා කරුනක්වී තිබේ. ඔවුන් මෙම තත්වය පැහැදිලි කරන්නේ Windows 8 සමග වැඩි චලනයක් ඉදිරියට තැබුවාය. තවත් විටකදී start menu ව නැවත ‍රැගෙන එන්නට ඔනෑවට වඩා වෙලාවක් ගනිමින් සිටී. ස්ටීව් ජොබස් සිදුවීම ආයතනයක් ලෙසට ඔවුනට හරිහැටි හදාරා ගන්නට නොහැකිව තිබේ යන්න එම විචාරකයන්ගේ එක් නිගමනයකි.

Windows App Store ව app 150,000 සීමාව ඉක්මවයි

  යම් මෘදුකාංගයක ජනංප්‍රියත්වය හදුනාගන්නට එම මෘදුකාංගයට අදාල App Store වල වන App සංක්‍යාව ද සාධකයක් ලෙසට සැලකිය හැකි වනවා. 2012 ඔක්තෝබරයේ වින්ඩෝස් 8 හදුන්වා දුන් අතර 2013 ජූලි වන විට ඔවුනගේ ඇප්ස් ස්ටෝර්ව App 100000 සීමාව කරා පැමිනෙනු ලැබුවා. MetroScanner නම් තොරතුරු වෙබ් අඩවියක් මේ වන විට පවසන්නේ Windows app Store වෙත app 150,000 සීමාව ඉක්මවා යන්නට මේ වන විට හැකිව ඇති බවකි. මද පසුබෑමක් සමග උවත් මයික්‍රසොෆ්ට් වෙතට මෙම සීමාවට පැමිනීමේදී හුදු app සංක්‍යාව පමනක් නොව ඒවායේ ගුනාත්මක භාවයේදීද සටහනක් තබන්නට හැකිව ඇති බවටයි විචාරනය වන්නේ. එනම් Facebook( 8.1 Facebook app) , VLC media player,  වැනි බහුල භාවිතයක් ඇති භාවිතාවන්ගේද නිල app නියෝජනයන් ලබා ගන්නට හැකිවීම ඔවුන් සදහන් කරනවා.

           මෑතකදී මයික්‍රසොෆ්ට් ආයතනය නිවේදනය කර සිටියේ App සංවර්ධකයින් සදහා අඩුම coding ප්‍රමානයක් සමග windows 8 හා Windows Phone සදහාද app ගෙනෙන්නට තමන් අවසර දෙන්නට කටයුතු කරමින් සිටින බවකි. මෙම නව ප්‍රවනතාවය ඔවුන්ගේ app store වෙතට වැඩි app නියෝජනයක් ලබාගන්නට සහය වනු ඇති බවටයි බලාපොරොත්තුව වන්නේ.

Microsoft නිකූත් පිලිබදව පෙර තොරතුරු අනවසර නිකුතූන් නිසා අයෙක් අත්වඩංගුවට පත්වේ....

  පසුගියදා මයික්‍රසොෆ්ට් සමාගමේ හිටපු වැඩසටහන් සම්පදකයෙක් අත්වඩංගුවට ගැනුනේ 2012 ඔක්තෝබරයේ windows 8 නිකුතුවට පෙර එහි code අනවසර පිටකිරීමකට සම්බදයෙනි. Alex Kibkalo නම් ඔහු FBI වෙතින් අත්වඩංගුවට ගැනුනේ  trade secrets අයතා භාවිතය පිලිබදව චෝදනාවක් සමගයි. එම තොරතුරු French tech blogger කෙනෙකු අතට පත්කිරීමක් පිලිබදව එම චෝදනාව සමන් විතව තිබුනා. එසේම ඔහු ආයතනයේ  Activation Server Software Development Kit මෘදුකාංග අනවසර පිටමංකිරීමක් පිලිබදවද චෝදනාවකට ලක්ව ඇති අතර ඒ සම්බන්දයෙන්ද යෝචදනා නැගෙන්නේ පෙර කී බ්ලොග්කරුවා වෙතටමයි. ආයතනයේ අභ්‍යන්තර සොයා බැලීම් වලට අනූව මීට පෙර Windows 7 වල code  අනවසරව පිටකිරීම් පිලිබදවද මේ වන විට තොරතුරු හෙලිවෙමින් පවතිනවා. එසේම හෙලිවන වැඩි දුරටත් තොරතුරු පවසන්නේ ඔහුගේ Microsoft සේවය පිලිබදව නිසි ඇගයීමක් නොවූ බවට චොදනාවක් සමග අතෘප්තිමත් සේවකයෙන් බවට ඔහු පත්ව සිටි බවටයි.

XP භාවිතාව පෙබරවාරියේ මදක් ඉහලට...

  Net Applications වෙතින් නිකුත්වන නවතම වාර්ථාවක් පවසන්නේ Windows XP භාවිතාවේ මද වර්ධනයක් ගෙවීගිය ජනවාරි මාසය හා සැසදීමේදී පෙබරවාරි වලදී දක්නට ලැබෙන බවයි. එනම් 2014 ජනවාරි මාසය වන විට XP වල භාවිතාව 29.30ක් ලෙසට වාර්ථා වූ මුත් පෙබරවාරි වන විට එය 29.53ක් ලෙසට දැක්වෙන ලෙසටයි. එලබෙන අප්‍රේල් 8 වන විට ආයතනික සහයෙන් ඉවත්වන XP සංස්කරනය වෙතින් භාවිතාකරන්නන් ඉවත්කර ගන්නට මයික්‍රසොෆ්ට් වෙතින් යෙදෙන මහත් වෑයම තවමත් එතරම් පල ලබා නැති බව හැගවෙන ආකාරයේ මෙම තොරතුරු පිලිබදව හදාරන්නන් විමතිය පල කොට සිටින බවටයි දැක්වෙන්නේ. මෙහෙයුම් පද්ධති කෙරෙහි භාවිතාකරන්නන්ගේ නිද්‍රාශීලී අවධානය පැහැදිලි කෙරෙන එම තොරතුරු සටහනේ පැවසෙන තොරතුරු වැඩි දුරටත් හෙලි කොට සිටින්නේ Windows 8 වෙතට නොමිලේ පැමින ඇති wondows 8.1 යාවත්කාලීනය සදහා ප්‍රතිචාර දැක්වීමද අවම මට්ටමක වන බවයි. එනම් windows 8.1 වෙතට පැමිනීමද 2014 ජනවාරියේ වාර්ථාවූ 3,92%  ගනනය වීම පෙබරවාරි වනවිට ඉහල ගොස් ඇත්තේ 4,30% තරම් අඩුම ප්‍රථිශතයකින් වීමය. මීට අමතරව වින්ඩොස් 8 භාවිතාව ජනවාරි හා පෙබරවාරි අතර ගනනය වීම් පිලිවලින් 6.62% සිට 6.38% දක්වා අඩුවීමක් පෙනවන අතර වින්ඩෝස් 7 වල භාවිතාව පෙරකී දෙමාසය තුල වෙනස -.015%කින් වාර්ථා වනවා.

"වැඩියෙන්ම අනාරක්ශිත මෙහෙයුම් පද්ධතිය Windows 8". හදාරන්නන් පවසයි.

  හදාරන්නන් වෙතින් නිකුත්වන නවතම වාර්ථාවක් පවසන්නේ Windows මෙහෙයුම් පද්ධති තලයේ වඩාත්ම ආසාධිත බවට විවෘතව ඇති මෙහෙයුම් පද්ධතිය බවට වින්ඩෝස් 8 පත්වෙමින් ඇති බවකි. ඔවුන් යෝජනා කරමින් සිටින්නේ Windows 8 සමග IE සදහා  Flash සංයුක්තව පැමින තිබීම මෙම අනතුරුදායක බවට ප්‍රධාන හේතුව වෙමින් ඇති බවය. ඔවුන් පැහැදිලි කරන්නේ Flash දුර්වලතාවය ඔස්සේ පැමිනෙන හානියක් මේ නිසා පහසුවෙන් Windows 8 මෙහෙයුම් පද්ධතිය තුලට පැමිනීම සිදුවනු ඇති බවයි. Flash යනු බහුල භාවිතාවක් ඇති  මෘදුකාංගයක් වන අතරම මෘදුකාංග පහර දෙන්නන්ගේ බහුලතම ඉලක්කයක්ද වෙමින් තිබෙනවා.XP , Vista , Windows 7 හා Windows 8 පෙලට හැදෑරීමේදී Windows 8 සදහා අමතරව වාර්ථාවන vulnerabilities 54ම Flash සම්බන්දිතව වන අතර වැඩි දුරටත් ඔවුන් පවසන්නේ වින්ඩොස් 8 සදහා වන අමතර තර්ජන ස්වභාවයන් පසු පසද Adobe software පැවතීම දැකිය හැකි බවයි. කෙසේ වෙතත් මයික්‍රසොෆ්ට් සමාගම මේ වන විට Windows 8 බල පත්‍ර මිලියන 200කර අදික ප්‍රමානයක් අලවි කොට ඇති බවට වාර්ථා කල අතර වේගවත් යාවත්කාලීන නිකුත් කිරීම් ඔස්සේ වඩාත් ආකර්ශනයක් භාවිතාකරන්නන්ගෙන් ලබා ගන්නට කටයුතු කරමින් සිටිනවා.

Windows 8 බලපත්‍ර අළවිය මිලියන 200යේ සීමාව ඉක්මවයි

  Microsoft ආයතනය පසු ගියදා පැවති ප්‍රසිද්ධ හමුවකදී පවසා සිටියේ තම Windows 8 මෙහෙයුම් පද්ධති බලපත්‍ර මිලියන 200ක් පමන අලවි කොට ඇති බවකි. මයික්‍රසොෆ්ට් සමාගම තම නවතම මෙහෙයුම් පද්ධතියේ අළවිය පිලිබදව එතරම් ප්‍රසිද්ධියේ කථාකරන්නට නොපෙලබෙන අතර මෙම තොරතුරු නිකුතවට පෙර එවැනි තොරතුරු හෙලිදරව්වක් සිදුවූවේ 2012 මැයි මාසයේ දී පමනය. මෙම තොරතුරට අනූව දෛනික වින්ඩෝස් 8 බලපත්‍ර අලවියෙ වේගය 420000ක් ලෙසට ගනනය වේ. එසේමුත් මෙම අලවිය තවමත් වින්සෝස් 7 ඉක්මවන්නට අසමත්වී ඇති අතර වින්ඩෝස් 7 පලමු මාස 12 තුලදී ආසන්නව බලපත්‍ර මිලියන 240ක් අලවි කර තිබූ බවටයි වාර්ථා වූවේ. වින්ඩෝස් 8 සැලකීමේදී මිලියන 200යේ අලවි සීමාවට ලගා වන්නට මාස 15ක් ගත්ව ඇති බවටයි සටහන් වන්නේ. කෙසේ වෙතත් වෙනත් බාහිර වාර්ථා වලට අනූව ක්‍රමයෙන් වින්ඩෝස් 8 සමාජය වෙතට පිවිසෙමින් ඇති අතර භාවිතාකරන්නන් ඒ වෙතට පිවිසීම මදක් කෙමෙන් වූවද හොඳින් සිදුවෙමින් පවතින බවටයි වාර්ථා වන්නේ. Microsoft සමාගම වින්ඩෝස් 8 සමග හදුන්වාදුන් වේගවත් යාවත්කාලීන නිකුතුවේ ක්‍රම වේදය යටතේ වින්ඩෝස් 8.1 මේ වන විටත් නිකුත්කොට ඇති අතර එලබෙන අප්‍රේල් වන විට වින්ඩෝස් 8.1 සදහා තවත් යාවත්කාලීන ගොනුවක් නිකුතුවට සූදානමින් සිටින බවටයි නොනිලව නිවේදනය වී ඇත්තේ.

Touch Friendly "Firefox" සංස්කරනයක් වින්8 සදහා නිකුත්වේ!!!!

  Mozilla තම Firefox බ්‍රවුසරය සදහා ස්පර්ශක මිත්‍ර සංස්කරනයක් ඉදිරිපත් කිරීම පිලිබදව කථා බහට දෑවසරකට ආසන්න කාලයක් ගෙවී  යමින් ඇති අතරතුරු පලවන නිවේදනයක් පවසන්නේ Windows 8 සදහා වන touch friendly ෆයර්ෆොක්ස් බ්‍රවුසරයේ බීටාවක් මේ වන විට නිකුත්කරන්නට කටයුතු කර ඇති බවකි. 'Firefox Metro' නව නාමයක් යටතේ නිකුත්කරන්නට කටයුතු කෙරුනු මෙම බ්‍රවුසර සංස්කරනය වින්ඩෝස් 8 Modern UI සදහාම වැඩි දියුනු කල එකක් හැටියටයි ඔවුන් පැහැදිලි කර සිටින්නේ. මෙම app මෘදුකාංගය සමග පැමින ඇති නවාංග අතර එය ක්‍රියාත්මක කිරීමේදී මුලින්ම හමුවන  'Firefox start screen' එක දැක්වෙනවා. එම තිරය තුලදී Top sites , bookmarks , browsing history ආදී තොරතුරු භාවිතාකරන්නා වෙතට ගෙනෙන බවටයි දැක්වෙන්නේ. මෙම නව සංස්කරනය සමග පැමින ඇති ස්පර්ශක තිර මිත්‍ර බව පැහැදිලි කෙරෙන touch gestures අතරට pinch-to-zoom හා  one-touch swipe transitions මෙන්ම Snap feature ආදිය දැක්වෙනවා. එසේම වින්ඩෝස් 8 සමග විත් ඇති 'Share' Charm වලට දක්වන සහය ඔස්සේ පහසුවෙන් වෙබ් පි‍ටුවක් තම හිත මිතුරන් සමග බෙදා හදා ගැනීමේ හැකියාවත් දැක්වෙනවා. මෙම සංස්කරනය බීටාවක් වන අතර අවසන් සංස්කරනය මාර්තු මස 18 දාට සැලසුම්ව ඇති බවටයි වැඩි දුරටත් නිවේදනය වන්නේ.
http://www.mozilla.org/en-US/firefox/beta/

වින්8 ඉදිරි සංස්කරන සමග ඩෙස්ටොප් විරසකය අවසන් වන ලකුනු!!!

  වින්ඩෝස් 8.1 වල පලමු අප්ඩේට් ගොනුව හා වින්ඩෝස් 9 පිලිබදව මේ වන විට හෙලි වෙමින් ඇති තොරතුරු පැහැදිලි කර දෙන්නේ මයික්‍රසොෆ්ට් සමාගම තම මොඩර්න් ඇප් සමග මොඩර්න් ස්ක්‍රීනය මූලිකව තම ප්‍රධාන මෙහෙයුම් පද්ධතිය සංවර්ධනය කරන්නට ගත් තීර්නය ක්‍රමයෙන් ආපසු හරවන්නට තීර්නය කොට ඇති බවකි. තවමත් මවුසය හා කීබෝඩය ප්‍රමුක භාවිතාවක යෙදෙන බොහෝ දෙනාගේ සතුටට හේතු විය හැකි මෙම තීර්නය පිලිබදව අනාවැකි පලවන්නේ දැනට නොනිලව මෙම සංස්කරන පිලිබදව හෙලි වෙමින් ඇති තොරතුරු හරහාය. ඇප් ස්ටෝර්ව හරහා පමනක් ගත හැකි මොඩර්න් ඇප් මොඩර්න් ස්ක්‍රීනය මත පමනක් පූර්නතිර ආකාරයට ධාවනය වනු ඇති බවට වු ස්වභාවය වෙනස් කරමින් ඒවා සුපුරුදු ඩෙස්ටොප් ටාස්ක් භාරය හරහාද ක්‍රියාත්මක වන්නට හැකි වනු ඇති බවට මෙන්ම එම ඇප් වල තිර මතට "Minimize" වැනි මවුසය ප්‍රමුක භාවිතාවට මිත්‍ර ලක්ෂන නැවත පැමිනෙන බවට හෙලිවෙමින් ඇති තොරතුරු පවසමින් සිටිනවා.

වින්ඩෝස් 8 බලහත්කාරකමක් !!!!

 ....හොඳයි  මෙතැන ගැටලු දෙකක් ඉදිරිපත් උනා. එකෙක් තමයි වින්ඩෝස් 8 වල ස්ටර්ට් මෙනුව නැති වීම හා නැවත පැමිනෙන්නට ලැබී ඇති පොරොන්දුව පිලිබදව විමසීම. ඇත්තටම වින්ඩෝස් 8 ගෙනෙන භාවිතාව අර්බුදකාරී එකක්. එක අතකින් ටිකක් ඉක්මට ආපු භාවිතාවක් වගේ. හරියට විස්ටා වගේ. විස්ටා කියන්නේ වැදගත් හැරවුමක් උනාට ලොකු කැපවීමක් ඉල්ල සිටිය සිද්ධියක්. මොකද ඒක ඉල්ලා සිටිය දෘඩාංග වෙනස ලොකු අර්බුදයක් උනා.ගෙනාවේ වැදගත් වෙනසක් උනාට ගෙනාපු හැටි හරි නැහැ වගේ අවාසනාවන්ත දේ කුත් එතැන තිබුනා. මෙහයුම් පද්ධතියක් හැටියට වින්ඩෝස් 7 සමග ඒකේ තිබුනු ගැටලු නිවැරදි උනාට ගතව කිය කලය සමග බලද්දී වෙළඳ ආයතනයක් හැටියට අපහසුතාවයට පත් උනා. වින්ඩෝස් 8 අන්තිමේ දී බලහත්කාරකමක් වගේ වෙලා තියෙනවා. භාවිතාවෙන දෘඩාංග මට්ටම් හා සසදද්දී ටයිමිං වල අප්සට් එකක් පෙනෙන්නට තියෙනවා. බරපතල භාවිතාවක් තියෙන ආයතනයකට වින්ඩෝස් 8 වලට යන්න ලොකු වැයක් දරන්න වෙලා. නිර්මානශීලීව මෘදුලෙසට කරන්න තිබුනු වෙනසක් හරියට බලහත්කාරෙන් කරන්න හදනවා වගේ ස්වභාවයක් තමයි පෙනෙන්නට තියෙන්නේ.

               අනිත් අතින්මේ වනවිට ගෙස්චර් කන්ට්‍රොලිං පිලිබදව කටයුතු කරන ආයතනය පවසනවා කී බෝඩ් එකයි මවුස් එකයි රීප්ලේස් කරන්න එම තාක්ශනයන් සමත් වෙන්නේ නැහැ කියලා. ඔවුන් පිලිගන්නවා කීබෝර්ඩ් මවුස් භාවිතාවට විකල්පයක් ලෙසට පැමිනිලා තිබෙන තම තක්ශනය , ස්පර්ශක තාක්ශනය ගැලපෙන්නේ නැහැ කියලා. පෙර භාවිතාවේ තිබුනු සියුම් හැසිරවීම් වලට විකල්පය වෙන්න වෙනත් තාක්ශනයක් අවශ්‍ය බව. අනිත් පැත්තෙන් සලකද්දී අවශ්‍යතාවයක් තියෙනවා. උපාංගයෙන් වෙන්වුනු අමතර උපකරන අයින්කරන්න කාලය හරි. හැබැයි හරි විකල්ප පැමිනිලා නැහැ තාම. මේවා සලකල බලනකොට කියන්න තියෙන්නේ ස්ටාර්ට් මෙනුව අහිමි උන එක නෙමේ ගැටලුව. ඒ සමස්ත හැරවුමම හරිම අසංවේධී විදිහට සිදු වුන එකයි ගැටලුව අන්තිමට හිතන්න ලෝකයේ දෙවන විශාල Pc සමාගමක් වන HP පසුගියදා කියනවා තමන් වින්ඩෝස් 7 සහිත පරිගණක වෙළඳ පොල දෙසට යලිත් අවධානය යොමු කරන්න තීර්නය කලා කියලා......

වින්ඩෝස් 8 සැබෑ වටිනාකම් සගවාගත් දෘශ්‍ය මායාවක් වීම????

  වින්ඩෝස් 8 නිර්මානය කිරීමේදී එහි නිර්මාන කරුවන් ක්‍රියාකර ඇත්තේ අගසිට මුල වගේ පැටලිලි තත්වයක එය වන බවටයි අපට දකින්නට ඇත්තේ. ඔවුන්ට අවශ්‍ය වුනේ උපාංග සැබෑ ලෙසටටම එකට යාවන ක්‍රියාකාරීත්වයකට වඩා දෘශ්‍ය මායාවක් වෙන්නට බැරිද දැනට සිදුව තියෙන නිකුතුව දෘශ්‍යව අපට පෙන්වා දෙමින් ඇත්තේ. ලෝකයේ තවමත් වෘතිමය භාවිතාකරන්නන් අතර ඩෙස්ටොප් භාවිතාව ප්‍රබලයි, තවමත් භාවිතාකරන්නෙකුගේ පලමු දත්ත උපාංගය වන්නේ ඩෙස්ටොප් පරිගණකය ලෙසටයි පිලි ගැනෙන්නේ. ස්ථාවර පරිගණකය බොහො දිසා වලින් තමන්ගේ පෞර්ෂත්වය ‍රැකගෙන සිටිනවා. සමහර විටක වින්ඩෝස් 8 නිර්මාණය වීමේදී හුදු තාක්ශනික වුනා විතරක්මද කියලා හිතෙනවා. ඔවුන්ට මග ඇරුනා සාමන්‍ය ප්‍රායෝගික මනස. ස්ටීව් සාධකය මග හැරුනා. මයික්‍රසොෆ්ට් ආයතනයට සිදු වෙනවා දරුනු මට්ටමක අරගලයක යෙදෙන්න වින්ඩෝස් 8 වෙතට භාවිතාකරන්නන් ‍රැගෙන එන්න.
                       අපහාස කරනවා නෙමෙයි. පිලිගත්තත් නැතත් මයික්‍රසොෆ්ට් ආයතනය කියන්නේ ලෝකයේ ප්‍රබලතම තොරතුරු තාක්ශනයේ නියමු ආයතනයක්.  හැබැයි සැබෑ යාන්තරනයේ ඒක මිතික බව සදහාට වඩා දෘශය බවට වැඩි ඉඩක් ලබා ගත්තා. දැන් තමයි යෝජනා කරමින් සිටින්නේ ඇප් භාවිතාව එකම යායක් වෙන්නට ඔනෑය කියන එක. මම හිතව ස්පර්ශක බව ඔවුන් බලාපොරොත්තු උන තරම්ම පාලනය කරන සාධකයක් නොවේවි කියලා. බොහෝ සෙයින් කුඩා වාගේම බොහෝ සෙයින් විශාල තිර සදහා ඒක වලංගු වුනත් සාමන්‍ය දෛනික බාවිතාවට අදාල වෙළඳ පොල වෙතට ඒක එතරම් වලංගු නැතුවා වාගෙයි. ස්ටීව් සාධකය මුග්ධව අනුගමනය කරන්න පුලුවන් දෙසයක් නොවේයි. ඒක හරිම සරල අවබෝධයක් විතරයි.

වින්ඩෝස් 9 2015 අප්‍රේල් වල!!!!

  පලවෙමින් ඇති විස්වාසනීය ආරන්චි මාර්ග පවසන්නේ මයික්‍රසොෆ්ට් ප්‍රධාන මෙහෙයුම් පද්ධතියේ මීලග ප්‍රධාන නිකුතුවක් 2015 අප්‍රේල් වලදී නිකුත්වන්නට ඉඩ ඇති බවකි. වින්ඩෝස් 9 ලෙසට නම් වන්නට බොහෝ දුරට ඉඩ ඇතැයි සැලකෙන මෙම සංස්කරනය පිලිබදව නිල නිවේදනය 2014 අප්‍රේල් වලට යෙදී ඇති BUILD 2014 හමුවේදී සිදු වෙනු ඇති බවටයි බලාපොරොත්තුව වන්නේ. මෙම නිකුතුවේදී දැනට ගැටලු සහිත බවට පත්ව ඇති වින්ඩෝස් 8 ප්‍රධාන මුහුනතහි ගැටලු සහිත බවට විසදුම් ‍රැගැත් "Metro 2.0" දියුනු කිරීම් වලින්ද සමන්විත වනු ඇති බවටයි එම පුවත වැඩි දුරටත් හෙලිකොට සිටින්නේ. කෙසේ වෙතත් මෙම සංස්කරනයේ පෙර නිකුතුවක් පිලිබදව කිසිදු තොරතුරක් තවම නිකුත්ව නොමැත.

වින්ඩෝස් 8 නිර්මානශීබවේ මන්දපොෂණීය නිකුතුවකි!!!!

  "මේ වන විට අපි භාවිතාවෙන්ම දන්න කාරනාවක් තමයි වින්ඩෝස් 8 කියන්නේ මෙහෙයුම් පද්ධතිවල ඊයේ සහ හෙට දවස පිලිබදව දෝලනයක්. තවත් අර්ථයකදී වඩාත් විවෘත භාවයේ සිට සංවෘත භාවය කරා ගමන් කරවන්නක්. සමහර විටක ඒ චලනය ඒ තරම්ම ප්‍රසස්ත එකක් නොවුනා වෙන්නත් පුලුවන්. කෙටියෙන් කිව්වොත් වින්ඩෝස් 8 හැරවුම සදහා නිර්මානශීලීබව අඩුවෙන් මිශ්‍රවීමක් දැයි කියලත් සැක හිතෙන තරම්. අලුත් ආකෘතියකට යා යුතුව තියෙද්දී තිබිච්ච ආකෘතියක් එහෙන් මෙහෙන් හැඩ ගස්සවා ගැනීමක් වගේ අදහසකටත් එතැන ඉඩ නැතිවම නොවේ. ස්ටීව් ජොබ්ස් වගේ අපූර්ව මිනිසෙකුගේ දැක්මක් මයික්‍රසොෆ්ට් ආයතනයට අවශ්‍ය කර ඇති බවට විචාරකයින් පවසල තිබුනේ මේ නිසාම වෙන්නත් පුලුවන්. හිතන්න, වින්ඩෝස් 8.2 මීලග මෙගා යාවත්කාලීනය ගැන දැන පලවෙන තොරතුරු තවමත් කියමින් සිටින්නේ ස්ටාර්ට් බටනය , ඇප්ස් ස්ටොර්ව එකිනෙම යාවීම හා ඔවුන්ගේ ප්‍රධාන තාක්ශනයන් තුන ඒ කියන්නේ වින්ඩෝස් 8 වින්ඩෝස් ෆෝන් හා එක්ස් බොක්ස් එකි නෙක යාවීම ගැන පමනයි. හරියට නිර්මානශීලීත්වයේ හිග කම වසා ගන්නට හදන දුර්වල උත්සාහයක් දෝයි කියලා  හිතෙනවා. ස්ටීව් ජොබ්ස් සිදුවීම තොරතුරු ලෝකයට නැවත අවශ්‍ය වෙලා තිබෙනවා වගෙයි. නිර්මානශීලී බවයි දැනුමයි අවබෝධයයි කියන්නේ එකි නෙකින් ඈත්ව පිහිටි අපූර්ව ස්තරබව නැවත පසක් වෙලා තිබෙනවා."

--දේශනයකින් උපුටා ගැනීමකි--

වින්ඩෝස් 8.2 සමග එන Start මෙනුව......

  මේ දිනවල කථා බහට ලක්ව ඇති කාරනා අතර වින්ඩෝස් 8.2 සමග එනු ඇතැයි දැනට ප්‍රකාශ වී ඇති නව UI මුහුනත කෙබදු ආකාරයේ විය හැකිය දන්න කැපී පෙනෙන මාතෘකාවකි.සමහරුන්ට අනූව එය පෙර START මෙනුව ආකාරයේ වනු ඇති බවට අනාවැකි පලවෙමින් තිබුනද තවත සමහර හදාරන්නන් පවසන්නේ එය කිසිසේත්ම පැරනි start මෙනුව ආකාරය නොගත යුතු බවකි. මයික්‍රසොෆ්ට් ආයතනය දෙසින් නොනිලව දැනටමත් පලව ඇති නව මොඩර්න් ඇප්ස් වල සබදතා පවා Destop මුහුනතට ගෙන ඒමේදී එය පැරනි icon වලට ගැලපෙන ආකාරයටවූ මුහුනතට වඩා නවීන පෙනුමකට මෙන්ම ක්‍රියාකාරකමකට නොයෑම දුර්වලතාවයක් ලෙසට සටහන් වනු ඇති බවටයි ඔවුනගේ අදහස වන්නේ.
           මයික්‍රසොෆ්ට් ආයතනය වින්ඩෝස් 8 සමග ගෙනා දෘශ්‍ය වෙනස වින්ඩෝස් 7 වලින් සරල ද්ව්මානී ස්වරූපයක් දෙසට චලනයක් ලෙසට පිලි ගැනෙන අතර එම දෘශ්‍ය බව මතට පැරනි වින්ඩෝස් ස්ටාර්ට් මෙනුව ගෙන ඒම සමස්ථයක් ලෙස මෙහෙයුම් පද්ධතියේ දෘශ්‍ය ඒකමිතික බවට හානියක් ලෙසට යෝජනා කරමින් සිටින ඔවුන් පවසන්නේ Live Tiles වැනි නව් ප්‍රවනාවන් ඉස්මතුවන මට්ටමේ දෘශ්‍ය මෙන්ම ක්‍රියාකාරීත්වයක් සමග එය පැමිනීම වඩාත් භාවිතාකරන්නන්ගේ සිත්ගන්නා සුලු වනු ඇති බවයි.

මයික්‍රසොෆ්ට් මෙහෙයුම් පද්ධතිවල මීලග හැරවුම “Threshold” නමින් 2015දී...

  වින්ඩෝස් 8.1 ආයතනය තුල සංවර්ධනය වෙමින් ඇති කාලයතුල එය වෙත ලබාදී තිබූ සංකේත නාමය වූවේ Blue යන්නයි.වින්ඩෝස් 8.1 නිකුතුවත් සමග නොනිළ ආරන්චි මාර්ග පැවසුවේ මීලග මෙගා සංස්කරනයක් වින්ඩෝස් 8 වෙතට පැමිනීමට ඇත්තේ 2015දී පමන වනු ඇති බවටයි.විස්වාස දායක ආරන්චි මාර්ග පවසනේ එය “Threshold” ලෙසින් සංකේත නාමයක් යටතේ ආයතනය තුල සංවර්ධනය වෙමින් පවතින බවකි. මෙම මෙහෙයුම් පද්ධතිය පිලිබදව වැඩි දුර තොරතුරු හෙලි නොවුනද එය Windows Phone, Windows, හා Xbox One භාවිතාවන් එකට එක් කරන එකක වනු ඇති බවටයි පැවසෙන්නේ.මයික්‍රසොෆ්ට් මීලග ඉලක්කයක් වෙමින් ඇති one platform  සදහා මෙම පියවර වඩාත් අදාලවනු ඇති බවටයි හදාරන්නන්ගේ මතය වන්නේ.වින්ඩෝස් 8.1 සදහා මීලග ප්‍රධාන යාවත්කාලීනයක් update 1 නමින් 2014 Spring වලදී පැමිනෙනු ඇති බවටත් තොරතුරු හෙලි වෙමින් තිබෙනවා.

XP භාවිතය අඩුවීම මෙන්ම වින් 8/8.1 භාවිතය වැඩි වීම ඉබි ගමනේය.....

  මයික්‍රසොෆ්ට් සමාගම තම 12 විය සපුරමින් සිටින මෙහෙයුම් පද්ධතියට සමුදීමට එලබෙන අප්‍රේල් මාසයේ මේ වන විට දින නියමකර අහවරය.වින්ඩෝස් 8 නිකුතුවත් සමග ඔවුන් බලාපොරොත්තු වූවේ තම මෙහෙයු පද්ධති ගමන් මග සමකාලීන ප්‍රවනතාවය වන මොබයිල් දිසාවට වඩාත් සමීප මුහුනු වරකට ගෙන ඒමය.අනතුරුව තම වින්ඩෝස් 8 සදහා 8.1 මෙගා යාවත්කාලීනයක් නිකුත් කරමින් ඒබව වඩාත් තහවුරු කරන්නට ක්‍රියා කරනු ලැබීය.
       windows XP තම ගමන් මගෙහි යෝධයෙකු මෙන් නැගී සිටින අවහිර තාවයක් ලෙසට එම සමාගමට් සලකන්නට වන හේතු කිහිපයකි.තාක්ශනිකව සැලකීමේදී දෘඩාංග මට්ටමේ මෙන්ම මෘදුකාංග මට්ටමින් අත්පත් කරගෙන ඇති ප්‍රවනතා වඩාත් නම්‍යව භාවිතාකරන්නා වෙත ගෙන යන්නට නම් උපකරනයේ ප්‍රධාන මෘදුකාංගයේ වෙනස් කම වැඩි වැඩියෙන් ඉල්ලා සිටීම නොසලකා හැරිය හැකි කාරනාවක් නොවේ.තවත් අතකින් ආරක්ශ තලය සැලකීමේදී XP වල හැකියාව අද්දරටම පැමින ඇති අභියෝග සදහා එයින් සමු ගැනීම හැර වෙනත් විකල්පයක් නොමැති බවයි. ඒහා තවත් හේතුන් මත ආයතනය WinXP වලින් සමු ගන්නට නියමිත කාලය වන විට එහි සමස්ත ලොව භාවිතාව 13% දක්වා අඩුකිරීම මයික්‍රසොෆ්ට් හි ඉලක්කය කරගෙන ඇත.පලවන නවතම වාර්ථා පවසන්නේ මේ වන විටත් ලොව වින්ඩෝස් XP භාවිතාව 32.22% ක ප්‍රථිශතයක් ලබමින් ලොව වැඩිම දෙවන ස්ථානයේ භාවිතාවන මෙහෙයුම් පද්ධ්තිය ලෙසට නම් වන බවය.වින්ඩෝස් 7 වැඩිම භාවිතාවක් ලබන Pc මෙහෙයුම් පද්ධතිය ලෙසට නම් වන්නේ 46.64% ක භාවිතාවක් ලබමින් බව වර්ථා වන අතර වින්ඩෝස් 8 හා 8.1 ලොවපුරා භාවිතය 9.3% ලෙසට සටහන් වෙමින් කෙමෙන් භාවිතාව වර්ධනය වන මෙහෙයුම් පද්ධතියක් ලෙසට සටහන් වෙමින් තිබෙන බවටයි පැවසෙන්නේ.

වින්ඩෝස් ඇප් ස්ටෝර්වල ඔක්තෝබරයේ දෛනික බාගතකරගැනිම් මිලි.1.7 ඉක්මවයි

  මයික්‍රසොෆ්ට් සමාගම පසුගිය ඔක්තෝබරයේ  වින්සෝස් 8.1 නිකුත් කිරීමත් සමග තම Windows Store වලටද නව පෙනුමක් ගෙන එන්නට කටයුතු කරන ලදී. වැඩි වැඩි යෙන් භාවිතාකරන්නන් හට Modern UI apps බාගත කිරීම් වලට පෙලබ වන අදහසින් ඔවුන් ගත් උස්සාහයන් සාර්ථක වෙමින් පවතින බවට දිස්වන වර්ථාවක් ඔවුනගේ ඇප් සංවර්ධකයින් වෙත නිකුත්කර ඇති වාර්ථාවක දැක්වෙන බවටයි දක්නට ලැබෙන්නේ. එහි සඳහන් වන්නේ ඔක්තෝබරයේ බාගත කර ඇති ඇස් ප්‍රමානය පෙර කාලයට වඩා වර්ථාගත ලෙස ඉහල ගොස් ඇති බවයි. සංකඔ්‍යමකව සැලකීමේදී ඔක්තෝබරය සැලකීමේදී දිනකට මිලියන 1.7ක් බාගත කිරිමක් වාර්ථාවන බවටයි දැක්වෙන්නේ. එහිදී ඇප්ස් 51,152,284 සමස්ථ ලෙස බාගත කරගෙන ඇති අතර එහිදී නොමිලේ ලබාගත හැකි ඇප්ස් 49,796,691 හා මුදල් ගෙවා ලබා ගත හැකි ඇප්ස් 1,355,593 ලෙසටත් දක්වා සිටිනවා.ඔවුනෙගේ ඇප් ස්ටෝර්ව තුල ඇති සමස්ත ඇප්ස් ප්‍රමානය මෙම වර්ථාවේ නිල ලෙස දක්වා නැති අතර බාහිර ආයතනයක් පැවසුවේ මේ වන විට  ඇප්ස් 125,856 එහි වන බවයි

වින්ඩෝස් 8 සදහා නිල සහය කාලය 2015 .10.18 අවසන් වනු ඇත.....

   වින්ඩෝස් 8.1 නිල නිකුතුවට ඉතිරිව ඇත්තේ තවත් සතියක කාලයකි.මයික්‍රසොෆ්ට් සමාගම පවසන්නේ මෙම මෙගා යාවත්කාලීනය වින්ඩෝස් 8 වෙත දියුනු කිරීම් රාශියක් සමග නවාංගද කිහිපයක් ‍රැගෙන එන්නට නියමිත බවකි. දැනට නිකුත්ව ඇති වින්ඩෝස් 8.1 සමග ඒවා බොහොමයක් මේ වන විට හෙලිවි ඇත. ඔක්තෝබර 18 එය නිල ලෙස නිකුත්කරන්නට මේ වන විට දින නියමවීද හමාරය.මයික්‍රසොෆ්ට් සමාගම පවසන්නේ වින්ඩෝස් 8 භාවිතාකරන්නෙකුට නොමිලේ වින්ඩෝස් 8.1 කරා තම මෙහෙයුම් පද්ධ්තිය උස්තල ගන්වා ගැනීම සදහා ලැබෙනුයේ දෑවසරක කාලයකි.එනම් වින්ඩෝස් 8 සදහා ආයතනය නිල ලෙස සහය දක්වන කාලය 2015 ඔක්තෝබර 18 වන විට අවසන් වීමට නියමිත බවකි.මේ වනූව කිය වෙන්නේ වින්ඩෝස් 8.1 වෙත තම වින්ඩෝස් 8 මෙහෙයුම් පද්ධතිය ඉහල නංවා ගැනීමට තීර්නය කල අයෙකුට එම සංස්කරනය සදහා වන නිල සහය කාලය 2018 ජනවාරි 9 දක්වා ලැබෙන බවයි.

මයික්‍රසොෆ්ට් හා Metro බැඳියවට තෙවසරකි!!!

  2010 ඔක්තෝබර 11 මයික්‍රසොෆ්ට් සමාගම වින්ඩෝස් ෆෝන් 7 නිකුත්කරන ලද්දේ නව Metro මුහුනතට තම මෙහෙයුම් පද්ධති පිවිසීමේ ආරම්භයක් ලෙසටය.ඉන්පසුව 2011දී මයික්‍රසොෆ්ට් ආයතනය  Xbox 360 වෙතට  මෙම Metro පෙනුම මූලික මුහුනත හදුන්වා දෙන්නටකටයුතු කරන ලදී.වින්ඩෝස් 8 සමග 2012 මයික්‍රසොෆ්ට් සමාගම තම ඩෙස්ටොප් මෙහෙයුම් පද්ධතියට Metro මුහුනත ගෙනෙන්නට කටයුතු කරන ලද්දේ ස්ථාවරව තිබූ තම මෙහෙයුම් පද්ධතිය සම්ප්‍රධායට පැමිනිය හැකි අභියෝගද නොසල කමිනි. 2012 වසර මැද භාගයේදී මෙම Metro නම් තම නව මුහුනතට වූ වෙළඳ නාමය නෛතික හේතූන් මත වෙනස් කරනලද්දේ Modern නාමය භාවිතයට ගනිමිනි. එලබෙන නොවැම්බරයේ පැමිනෙන්නට නියමිත Xbox One හි dashboard වෙත්ද මෙට්‍රො ආකාරයේ ස්වරූපයක් ගෙනෙන්නට මයික්‍රසොෆ්ට් සමාගම කටයුතු කරමින් සිටින බවටයි තොරතුරු පවසන්නේ. භාවිතාකරන්නන්ගේ එතරම් ධනාත්මක නොවන ප්‍රථිචාර සමග වුවත් මයික්‍රසොෆ්ට් සමාගම තම Metro මිත්‍රබව ඉදිරියට ගෙන යන්නට කටයුතු කරමින් සිටින අතර ඔවුනගේ ලෝගෝවන් පවා නව හුරුවට හැලපෙන පරිදි වෙනස්කරනට පසුගිය කාලයේ කටයුතු කරනු ලැබුවා.