ආඩම්බරකාර ලෙස ඇවිද යන කල්ලි සාමාජිකයෙකු නොව නිදහසේ මාවතේ ඇවිඳ යන විනයගරුක පුරවැසියා දේශයකට අවශ්‍ය මූලිකම සම්පතය. තවත් සංස්කෘතියකට එරෙහිව තම සංස්කෘතිය හෝ ආගම ඉස්මතු කරවන්නට ගොස් තම අනන්‍යතාවයද විනාශ කර ගන්නා දුර්වල මතවාදියෙකුට වඩා මූලිකව පිලිගන්නා ලෝක මෙන්ම රටක නීතිය සම්මතය ඉක්මවා නොයන තෙක් දක්වා අනෙකාගේද සංස්කෘතියට ආගමට ගරු කරමින්, තමන්ගේ ආගම දහම තුල ඇති දුර්වලතා ඇත්නම් ඒවා ඒ අයුරින් පිලිගනිමින් පිලිසකර කරගන්නා මිනිසා අද ලෝකයට අත්‍යාවශ්‍ය ආකෘතියව තිබේ. තොරතුරු තාක්ශනය මූලිකව දියුනු ලෝකය තුල අදවන විට හුදකලා දූපත්වාසියා වලංගු සංකල්පයක් නොවේ. සත් සමුදුරු, කඳුහෙල්, ගිරිදුර්ග ඔස්සේ මුලික මිනිස් වර්ගයා ද්විතීකව ආගම්, සංස්කෘතීන් ඔස්සේ දුරක් කර තැබූ ලෝකය අවසන් කර ඇත. පෘතුවියේ අන් කෙරවලෙහි වෙසෙන අයෙකු සමග සජීවීව, පැහැදිලිව ඔහුගේ රුව දසුන් දකිමින් පිලිසඳරක යෙදෙන්නට කිසිදු බාදාවක් නැතිවා සේම තොරතුරු සගවා සිටින්නට නොහැකි තරමට විවෘත අවකාශයක් නිර්මානයව පැමින තිබේ. අවශ්‍ය වන්නේ වඩාත් නිර්මානශීලීව ලෝකය බෙදා හදා ගන්නා ලෝක පුරවැසියෙකුගේ නිර්මානය වීමය. එය සරල සැහැල්ලු ගමනක් නොවන්නේ ගෝත්‍රික මට්ටමේ විරෝදතා එයට ඇතුවා සේම ඉතා දියුනු තාක්ශනික විද්‍යාත්මක මෙවලම් වලින් පොහොසත් මුත් තමන් දියුනු යැයි සිතා සිටිනා පමනක් මට්ටමේ විරෝධතාද එයට ඇති බැවිනි.
Pubudu Siriwansa
