වෙබ් අඩවි තහනම ඉවත්කරන්නට තීර්නය කර ඇති බවට පලවන පුවත වඩාත් ධනාත්මක ඉදිරි පියවරක් ලෙසට පිලිගත හැකිය. ඉදිරියේදී එවන් පියවරක් යලිත් නො එන්නට කටයුතු කිරීම රජයක මෙන්ම වෙබ් අඩවි පවත්ග්වාගෙන යන සියල්ලන්ගේම වගකීමක් වනු ඇති බවට අප පිලිගත යුතුව ඇත. රජයක් ලෙසට තවදුරටත් තම පුරවැසියන් නිවසේ සීමාවට, නගරයේ හෝ ගම්මානයේ සීමාවට පමනකුදු නොව රටේ සීමාවකට කායිකව මෙන්ම මතවාදීවද සීමා කරන්නට උත්සාහ කිරීම යල් පැනගිය උත්සාහයකි. තවත් විටක වඩාත් අහිතකර ප්‍රථිපල සදහා අත වැනීමක් වනවා සේම වෙබ් හෝ බ්ලොග් අඩවියක් යනු තමන් ලොව වෙතටම විවර වන අවස්ථාවක් වන බැවින් වගකීමෙන් කටයුතු කරන්නට ඒවා පවත්වාගෙන යන්නන්ගේද වගකීමකි. සරලව තත්වය පැහැදිලි කරන්නේනම් දශක කිහිපයකට පෙර වසර ගනනක් පුරා පුහුනුව ලබමින් විනය සම්ප්‍රධායන් ආදී බොහෝ දේ හදාරමින් පුහුනු කරමින් පැමිනෙන කවුලුවක් වෙතට දියුනු වන තාක්ශනයේ මහිමයෙන් ක්ශනිකව පැමිනීමකි. මුහුකුරා නොගිය මතවාදයක් සමාජ ගැටලුවක් දක්වා විනිවිද යන්නට එම මාධ්‍ය සමග ගත වන්නේ තප්පර කිහිපයක්ද විය හැකි බව ඔවුන් වටහා ගැනීම බොහෝ අනවශ්‍ය ගැටලු පැමිනීම වලකාගන්නට සහයක් වනු ඇත. දශක ගනනක් පුරා අප මවුබිම වෙලගෙන තිබූ අවාසනාවත්න මිනිස් දිවි දසදහස් ගනනක් බිලී ගත් අපමනක් ධන සම්පත් විනාශකල ලාංකිකයන් අතරවූ ගැටලුව විසදවා ලන්නට හිටපු රජය කල අභිමානනීය සත්කාරය සේම ලොව සමග යලිත් සැසදෙමින් ආර්ථක, සමාජීය ඉදිරි පියවර තමන්නට නව රජයට හැකි වේවායි අප එක සිතින් පතමු.
Pubudu Siriwansa
