ගෙවී ගිය දිනය තොරතුරු ලෝකයේ භාවිතකරන්නන්හට වැදගත් වන දිනයකි. එනම් Data Privacy Day ලෙසට එය නම්කොට තිබීමය. දත්ත ලෝකය භාවිතාකරන්නන් හට තම දත්තවල සුරක්ශිත බව අවධාරනය කරන්නට යොදාගන්නා දිනයක් ලෙසටයි එය නම් කොට තිබෙන්නේ. 2008 ජනවාරි මාසයේ සිට ඇමරිකානු හා කැනඩා වලදී Data Protection දිනයේ දිගුවක් ලෙසට මෙම දිනය නම්කරන ලද බවටයි වාර්තා වන්නේ. National Cyber Security Alliance නම් ලාබ නොලබන ආයතනයක මූලිකත්වයෙන් සැමරෙන මෙම දිනයේදී පෞද්ගලික මෙන්ම ආයතනිකව දත්ත නිදහසේ ගලායාමට මෙන්ම ඒවාට ගෞරවකිරීම හා ඒවා සුරක්ශිත කිරීමේ වැදගත්කම වටහා දීම සිදුවන අතර රාජ්‍ය මට්ටම් වලින් පවා තොරතුරු වල අනන්‍යතාවය පැහැර ගැනීමේ චෝදනා එල්ල වෙමින් ඇති වකවානුවක සිටින අප හට එවන් වටිනා දිනයක් නිහඬවම ගෙවී යාම කනගා‍ටුවට කරුනකි. කෙසේ වෙතත් සමහර යුරෝපියානු රටවල නම් මෙම දිනය මෙන්ම තම රට වැසියන්ගේ තොරතුරු වල සුරක්ශිත බව අවධාරනය කරනනටනිරන්තරයෙන් කටයුතු කරමින් සිටින බව අමතක නොකල යුතුය.
