වේගයෙන් වැඩි වෙමින් ඇති data භාවිතාව රැස්කර තැබීම සදහා වන ඩේටා සෙන්ටර්ස් එලබෙන යුගයේ බලශක්ති වැය මෙන්ම තවත් පරිසර ගැටලු රාශියක ආරම්භය ලෙසට දැනටමත් හදාරන්නන් හදුනා ගනිමින් සිටී. සමාජ ජාලාවක් වෑනි දෛනිකව අධික දත්ත ප්‍රමානයක් රැස්වන අවකාශයක් සදහා සැලකීමේදී තත්වය වඩාත් බරපතල වනු ඇත. Facebook ආයතනය මේ පිලිබදව අවදියෙන් කටයුතු කරමින් සිටින බව ප්‍රකාශවන පුවතකින් කියවෙන්නේ ඔවුන් තම භාවිතාකරන්නන්ගේ දත්ත රැස්කර තැබීම සදහා Hard disk වෙනුවට Blu-Ray තැටි පිලිබදව අවධානය යොමුකරමින් සිටින බවකි. සාමන්‍ය දත්ත රදවන ප්‍රමානය මෙන් පස් ගුනයක දත්ත රැදවිය හැකි දියුනු කල ක්‍රමවේදයක් සමග Blu-Ray තැටි 10000ක පෙටාබයිට්ස් පහක දත්ත රැදවීමේ හැකියාවක් මේ වන විට අත්හදා බලමින් සිටින බවටයි වාර්ථා වන්නේ. ඔවුන් පැහැදිලි කරන්නේ සාමන්‍ය දත්ත රැදවීමේ "cold storage" ක්‍රම වේදය සැලකීමේදීට වඩා 50%ක වැය ඉතිරියක්ද energy වැය සැලකීමේදී 80%ක වැය ඉතිරියක්ද මෙම නව ක්‍රමවේදය විසින් ෆේස්බුක් ආයතනයට ගෙනෙන බවටයි. තවමත් පෙර අත්හදා බැලීමේ මට්ටමේ පවතින මෙම ව්‍යාපෘතියේ අවසාන මට්ටමේ අත්හදා බැලීම් වසර අවසානය පමන වන විට සිදු වනු ඇති බවටයි වැඩි දුරටත් තොරතුරු හෙලිවන්නේ.
