යාහු ආයතනය මේ වන විට නිල ලෙස පවසා සිටින්නේ පසුගිය දෙසැම්බරයේ 31 හා ජනවරි තෙවෙනිදා අතර තම යුරෝපියානු වෙබ් අඩවිය ඔස්සේ සිදුවු ප්‍රමිතියෙන් තොර වෙළඳ දැන්වීම් ඔස්සේ හානිකරයන් පැතිතිරීම සිදුව ඇති බව හා මිලියන 2කට ආසන්න භාවිතාකරන්නන් පිරිසක් ආසාධනයට පත්ව ඇති බවත්ය. එම ආසාධනයන් අතර Zeus Trojan නම් බොට්නෙට් ජාලයකට කැදවන ආකාරයේ හානිකරයත් සමග ආසාධිත පරිගණකය bitcoins නිපදවන්නට යොදා ගැනීමක් සිදුවන බවටයි පැහැදිලි කොට සිටින්නේ. පරිගණකයේ වේගය අඩුවීම හැරුන විට වෙනත් පැහැදිලි සලකුනකින් තොරව ක්‍රියාත්මක වන මෙම ආසාධිත පරිගණක ආසාධනය කරන මෙම වෙළඳ දැන්වීම් සංක්‍රීය කල විට Netherlands මූලික IP ලිපිනකරා සම්බන්ද වන බවටයි ඔවුන් පවසා සිටින්නේ. මෙම ජාලය ඔස්සේ දෛනිකව $100,000 ක වටිනාකමක් පහර දෙන්නන් විසින් උපයා ගමින් සිටින බවටත් මේ වන විට හෙලිව තිබෙනවා. පැයකට 27000ක ආසාධිතවීම් සිදුවෙමින් පවතින බවට ගනනය වන මෙම හානිකරය මොබයිල් හා Mac උපකරන සදහා අදාල නොවන බවටයි පැහැදිලි වන්නේ. සුපුරුදු ලෙසට මෙම හානිකරය සමගද ජාවා වල යාවත්කාලීන නොකරන ලද සංස්කරන භාවිතාවට වැඩි ජෝදනාවක් එල්ල වෙමින් ඇති අතර භාවිතාවට නොගන්නේනම් පරිගණකයෙන් ජාවා ඉවත්කිරීම වඩාත් සුදුසු බවටයි උපදෙස් ලැබෙන්නේ.
