මයික්‍රසොෆ්ට් ආයතනය Android සදහා වන තම skype මෘදුකාංගය සදහා නව යාවත්කාලීනයක් නිකුත් කොට තිබෙනවා.මේ වන විට බාගතකිරීමට හැකි මෙම නව යාවත්කාලීනය සමග Android මූලික tablets සදහා නව මුහුනතක් රැගෙන එනු ඇති බවටයි නිවේදනය වන්නේ. මයික්‍රසොෆ්ට් ආයතනය පසුගිය ජූලි මාසයේද Android සදහා තම Skype සදහා යාවත්කාලීනයක් සමග නව මුහුනුවරක් ගෙනෙන්නට කටයුතු කල අතර එය වඩාත් වින්ඩෝස් 8 සදහා මිත්‍ර බවක් පෙන්වූ ආකාරයක් ගත්තා.4.4 ලෙසට නම්වන නව සංස්කරනය සමග වීඩියෝ ආකාරයේ කථා බහට දියුනු කිරීම් කිහිපයක්ම රැගෙන විත් ඇති අතර එම වීඩියෝ වල පැහැදිලි බව හතර ගුනයකින් පෙර සංස්කරන වලට වඩා දියුනු කර ඇති බවටයි පවසා සිටින්නේ.මීට අමතරව හදුනා ගෙන තිබූ දුර්වලතා කිහිපයක්ම පිලිසකර කරන්නට නව සංස්කරනය සමග කටයුතු කර ඇති බවටයි ඔවුන් පවසා සිටින්නේ.
