ඔබ වෙළද සැලෙන් මිලදී ගෙනෙනලද පරිගණකය කිසිදු බාහිර මාධ්‍යකට විවර නොවනතාක් බොහෝ සෙයින් එය සුරක්ශිතය. අන්තර්ජාලය වැනි පුලුල් මාධ්‍යක සිට කිසියම් ආකාරයක දත්ත ගොනුවක් අඩංගු සංයුක්ත තැටියක් දක්වා වන ඔනෑම මාධ්‍යයක් සදහා විවෘත වන පරිගණකයේ ආරක්ෂාව අභියෝගයකට ලක්වීමට පටන් ගනී.සමහර විටක බාහිර පුද්ගලයෙකු විසින් සැලසුම් සහිතව පරිගණකයේ යහපැවැත්මට හානි කරවන අරමුනින් නිපදවූ මෘදුකාංගයක සිට එවන් කිසිදු ඉලක්කවීමක් නොමැති වුවද මෙහෙයුම් පද්ධතිය නිසිලෙස යාවත් නොකිරීම නිසාම ස්ථාපනය කරන නව මෘදුකාංගය සමග වන පරස්පරයක ප්‍රථිපලය ලෙසට දක්වා විවිධ අයුරින් මෙම ගැටලුව මතුවිය හැක.
