ටුවිටර් ආයතනය දිනකිහිපයකට උඩදී නිකුත් කල නිවේදනයකින් පැවසුනේ මෙම වසරේ ලොකයේ විවිධ රජයන් විසින් ඔවුන්ගේ භාවිතාකරන්නන් පිලිබදව ඉල්ලා සිටි තොරතුරු හා ටුවිටර් ආයතනය ඒවාට දැක්වූ ප්‍රතිචාරයන් පිලිබදවයි.එම වාර්ථාවට අනූව මෙම වසරේ පලමු මාසය තුල වැඩිම තොරතුරු ඉල්ලීම් ප්‍රමානයක් යොමුකල රජය වන්නේ ඇමරිකා රජයයි. මෙම කාලය තුලදී මෙම රජය ඉල්ලීම් 679 තුල භාවිතාකරන්නන් 948 පිලිබදව තොරතුරු ඉල්ලා සිටි බවටයි සටහන් වන්නේ.එම ගනනයට අනූව දෙවැනි තැනට සටහන් වන්නේ ජපන් රජය පිලිබදව වන අතර ඉල්ලීම් 98 සමග භාවිතාකරන්නන් 147 පිලිබදව තොරතුරු ඉල්ලා සිටි බවටයි කියවෙන්නේ. ටුවිටර් පවසන්නේ තමන් විසින් ඇමරිකානු රජයේ ඉල්ලීම් වලින් සියයට 75 කට පමන තොරතුරු සැපයූ බවයි. නෙදර්ලන්තය විසින් කල ඉල්ලීම් වලින් භාගයකට පමන ද ජපානයෙන් හා ඔස්ට්‍රේලියානු ඉල්ලීම් වලින් තුනෙන් එකකට පමන තොරතුරු ලබා දෙන්නට හැකිවූ බවයි වැඩි දුරටත් පවසා සිටින්නේ. මින් වැඩිම ප්‍රමානයක් අපරාධ හා සම්බන්දව කෙරුනු ඉල්ලීම්වූ බවටයි එම ආයතනය පවසා සිටින්නේ.
පසුගිය වසර හා සසදන විට වැඩි ඉල්ලීම් ප්‍රමානයක් තමන් වෙත ලැබුනු බවත් භාවිතාකරන්නන් සිටි ස්ථානයන් සමාජීය හා දේශපාලනික සබදතා එම තොරතුරු අතර වූ බවත් ඔවුන් පවසනවා.මෙම තොරතුරු චලනයන් පිලිබද විචාරක මතවාද සමබර තත්වයක පවතින බවයි වැඩිදුරටත් සටහන් කල හැකිව ඇත්තේ.
