ඔබගේ "ඔන් ලයින්" හැසිරීම යනු තවකෙකුට විශාල ඉපයීමක් ගෙනෙන දත්ත ගොනුවක් වන්නේ වෙළද පොල නිරන්තරයෙන් මිනිස් උවමනා එපාකම් තම විෂය බවට පත්කර ගන්නට නිරන්තරයෙන් බලා සිටින නිසා විය යුතුය.මෑතකාලයේ බෙහෙවින් කථාබහට ලක්වූ භාවිතාකරන්නා නොදැනුවත්වම වෙබ් පිරික්සනයන් නොහොත් වෙබ් බ්‍රවුසර් විසින් ඔවුන් යනෙන තැන් පිලිබදව තොරතුරු රැස්කිරීම විටක භාවිතාකරන්නගේ අනන්‍යතාවන් සමග හෝ නැතිව සිදුවන බවටයි හදාරන්නන් පවසන්නේ.එම වෙබ් අඩවි වලට පිවිසීමේදී බ්‍රවුසරයේ රදවන කුඩා මෘදු කොටසක් භාවිතයෙන් ඔවුන් මෙම අනවසර දත්ත රැස්කිරීම සිදුකරන අතර ප්‍රකට සමාජ ජාලා වෙබ් අඩවියක් චෝදනා ලැබුවේ එම වෙබඩවියට පිවිසෙන්නෙකු වරක් පිවිසි දින කිහිපයක් යනතුරුම ඔහුගේ වෙබ් හැසිරීම් දත්තයන් රැස්කරන්නට පෙරකී වෙබ් අඩවිය කටයුතු කරන බවටයි.
පහත දැක්වෙන මෘදුකාංගය ප්‍රධානපෙලේ සියලුම වෙබ් බ්‍රවුසරයන් සමග ක්‍රියාත්මක වන ඇඩෝනයක් ලෙස එහි නිෂ්පාදකයින් හදුන්වා දෙන අතර සමාජ ජාලා, වෙළද දැන්වීම් කරුවන් ආදීවූ බොහෝ අයවලුන්ට ඔබගේ ඔන් ලයින් හැසිරීම් දත්ත රැස්කිරීම වලක්වන්නට කටයුතු කරන බවටයි පැවසෙන්නේ.එම වෙබ් අඩවියට පිවිසීමෙන් මෙම මෘදුකාංගය පිලිබදව වැඩි දුර තොරතුරු ලබාගත හැකි වනු ඇත.මේ අතර ප්‍රකට ආරක්ශක මෘදුකාංග සමාගමක් වන AVG ආයතනය පසුගියදා පවසා සිටියේ තම ආරක්ශක මෘදුකාංගයේ නොමිළේ හෝ මිළදී ගතයුතු යන සංස්කරන දෙක සදහාම අලුතින් ඉහතකී පහසුව යාවත්කාලීනයක් ලෙස ලබාදී ඇති බවත් ප්‍රධාන මෘදුකාංගය ස්ථාපනයෙන් පසුව යාවත්කාලීනයක් ලෙස මෙම පහසුව ප්‍රධාන පෙලේ සියලුම බ්‍රවුසරයන් සදහා ඇඩෝනයක් ලෙස ක්‍රියාත්මක වන බවයි.
http://www.abine.com/
