මෙහි තරගයක් නොමැත. ඔබ පුදුම වනු ඇත. බොහෝ කලක් දහම ප්‍රගුන කරමින් උසස් ශාන්තිමත් තලවලට පිවිසි සිල් ඇත්තන් මෙහි වෙසෙන බවට මටනම් කිසිදු සැකයක් නොමැත. සමහර විටක ආගන්තුක සිල ඇත්තෙකුට තම අසුන පිරිනමා පසකටවන උසස් සිල් ඇත්තන් තුල ඒ ගැන කිසිදු ගැටලුවක් නැතිය. අර කී සිල් ඇත්තන්ගෙන් රැස්මාලා විහිදෙන්නේ වත් පිච්චමල් සුවද විහිදෙන්නේවත් නැත.පැහැදිලිවම ඒ ඇත්තනුත් මිනිසුන්ය. එම මිනිසුන් තුල ප්‍රගුන කල දහම විසින් හික්මවන ලද අවබෝදයෙන් උසස් මනසක් තිබෙනවා විය යුතුයැයි මම සිතමි. විටක ඈත හිමයෙන් මෙහි වඩින උසස් සිල් ඇත්තන් මෙහි අසනීපව සිටි ආගන්තුකයෙකුව නහවා පිරිසිදු කොට ආහර ගැනීමට පවා සහයවනු මම සියසින් දැක ඇත්තෙමි.
