Microsoft ආයතනයට Windows 8 සමග අවශ්‍යවූ ප්‍රවනතාවයක් වන්නේ Desktop මතට සිරව තිබූ ප්‍රධාන තොරතුරු තාක්ෂණ භාවිතය ඉන් මිදී ජංගම උපාංග අතර නිදහස් වන මෙහෙයුම් පද්ධතියක් රැගෙන ඒමය. ආරම්භය මදක් වැඩි දුර පියවරකින් ඇරබෙන ලදී. සියලු පද්ධති සදහා එකම UI භාවිතාවකට කැදවන්නට මෙන්ම ප්‍රධාන ස්ථාන ගතවීම වඩාත් ජංගම ගතියෙන් යුත් දෘඩාංග පරිසරයකට කැදවන්නට ඔවුන් කටයුතු කරන ලදී. Surface වැනි ඔවුනගේ ම දෘඩාංග හදුන්වාදෙමින් තම නව නිකුතුව වඩාත් භාවිතාකරන්නන් අතර තහවුරු කරන්නට සැලසුම් වන ලදී. සමහර විටක ඔවුන් සැලසුම් කරන්නට යොදාගත් දත්ත නියැදිය වැරදුනා විය හැකිය. Windows 8 මෙන්ම Surface උපකරනය එතරම් සාර්ථක නොවිනි. ආයතනික මට්ටමේ භාවිතාව XP වලින් ඉවතට ගැනීම ඉබිගමනින් සිදුවූ අතර සාමන්‍ය භාවිතාකරන්නන් අතරWindows 8 භාවිතාව ක්‍රමයෙන් මුත් සෙමින් ඉහල පැමිනෙමින් තිබේ.
Windows 10 සැලසුම් වූවේ වඩාත් සැලකිලිමත්ව විය යුතුය. windows 8 සමග සැලසුම් වූ එකම UI සීමාව ඉක්මවමින් එකම app store එකකට මෙන්ම සාම්ප්‍රධායික ඩෙස්ක් ටොප් භාවිතාව හා Modern මුහුනත අතර වූ වෙනස් කම් සමනය කරන්නට Modern appඑකක් සංක්‍රියකරවන්නට පැරනි DeskTop මුහුනත ඉඩ ලැබීම මෙන්ම අහිමිකර තිබූ Task Bar පහසුව එහිම පසු සංස්කරන ඔස්සේ නිවැරදි කර දමන්නට කටයුතු කෙරින. Windows 10 සමග එකම මෙහෙයුම් පද්ධතියක් සියලු උපාංග සදහා සංකල්පය නැවත වඩාත් ප්‍රායෝගිකව පැමින තිබේ. ස්ථාපනයේදී අදාල දෘඩාංග සදහා වඩාත් ගැලපෙන මෙහෙයුම් පද්ධති අංගයන් ස්වංක්‍රීයව සැලසුම් වෙමින් පැමිනීම(Continuum) ප්‍රධාන තම කැපී පෙනෙන ලක්ෂනයක් බව හදරන්නන් පවසමින් සිටී. දැනට පැමිනෙමින් ඇති පෙර සංස්කරන ඔස්සේ මෙහි යම් යම් ස්වභාවයන් හදාරන්නන් මේ වන විටත් හඳුනාගන්නට උත්සාහ කරමින් සිටී
