පිරිසුදු හුස්ම පොද මිහිපිට වෙසෙන සියලු මිනිසුන් ගේ කිසිසේත් මග හැරිය නොහැකි අවශ්‍යතාවයකි. දත්ත ලෝකයද ක්‍රමයෙන් මිනිසුන් මතට සුපෝඛභෝගී පහසුවකි යන ස්ථරයේ සිට අත්‍යාවශ්‍ය දෛනික භාවිතාවකි යන තැන දක්වා චලනය වෙමින් ඇත. එය වෘතිමය ජීවිතය වේවා , සමාජ ජීවිතය තුල වේවා , සෞක්‍ය ජීවිතය තුල වේවා යනාදී ලෙසින් මෙකී නොකී සියලුම අවකශයන් තුලදී වේගයෙන් යතාර්තයක් වෙමින් පවතින පරිසරයක අප ජීවත් වෙමින් සිටින්නෙමු.
දත්ත ලෝකය භාවිතාව පිරිසිදු , නිවැරදි භාවිතාවක් ලෙසට රැක ගැනීමේ වටිනාකම වඩාත් දිලිසෙමින් කැපී පෙනෙන්නට පටන් ගන්නේ එතැනිනි. ඔබගේ වෘතිය කුමක් වූවත් ශ්‍රමික මට්ටමේ නොවන්නේ නම් කාර්යාලය වෙනුවට නිවසේ සකස් කරගත් කුඩා ඉඩක වන දත්ත සබදතාවයන් ඔස්සේ නිපිරිහෙලා එම රාජකාරී ඉ‍ටුකරන්නට හැකිවීම අදවන විට සුලු කාරනාවකි. ඔබගේ සිරුරට සම්බන්දවන දෛනික උපාංග ඔස්සේ පැමිනෙන සංවේදක ඔස්සේ නිරන්තරයෙන් ඔබගේ සෞක්‍ය ජීවිතය ගැන අවධානයෙන් සිටින්නට එයට අදවන විට හැකිව තිබේ. දෛනික ජීවිතයේදී ඔබගේ සිරුරේ පමනක් නොව මානසික මට්ටම පිලිබදවද හදාරමින් පවුලේ වෛද්‍යවරයා වෙතට කරුනු වාර්ථා කරමින් ඒවා තුල සැකලිය යුතු මට්ටමකදී පමනක් ඔබගේ අවධානය යොමු කරවන්නට සූදානම් තාක්ශනයන් ඔබගේ ජීවිතය තුලට මේ වන විට ලබා ගතව හැකිය. ප්‍රධාන කාර්යාලය ලොව කිනම් තැනක වූවත් කාර්යාලීය කටයුතු නිවසේ සිට Text ආකාරයට පමනක් නොව ශ්‍රව්‍ය දෘශ්‍ය ලෙසට ඉ‍ටු කරන්නට අවශ්‍ය හැකියාව එය ඔබගේ දෙපතුල වෙතටම ගෙනවිත් ඇති බව නොරහසකි. සමාජ ජීවිතයද එලෙසය. ඔබ කල්පනාකාරීව කටයුතු කරන්නේ නම් තවදුරටත් ඔබගේ සමාජ ජීවිතය අසැල් වැසි වැනි භෞතික සීමාවකට කොට කරගන්නට අවශ්‍ය නැත. මෙලෙස ගෙනපෑ හැරිය හැකි කාරනා බොහොමකි. නමුත් මේ සියල්ල අතර තුල වැදගත් කාරනවක් නිතරම ඔබගෙන් එය බලාපොරොත්තුවේ.
එහි ඇති වේගවත් , පහසු බව සමගම යහපතට මෙන්ම අයහපතට එම අවකාශය කෙනෙකුට භාවිතාකරන්නට හැකිවීමේ අනතුර හැකිතාක් පාලනය කරගෙන සිටීමේ අවශ්‍යතාවයයි ඒ. විටක සමාජ ජාලාවක ව්‍යාජ ප්‍රොෆයිලයක් නිර්මානය කිරීම අහිංසක කටයුත්තක් ලෙසට ඔබ සලකනවා විය හැක. එවිට භවිතාකරන්නන් අතරට මෙන්ම ඒවා පවත්වාගෙන යන ආයතනන අතරද එම කටයුත්ත අපහසුවක් වීම අප තේරුම් ගත යුතුය. ලාබ ලැබිමේ අරමුනින් පවත්වාගෙන යන එම පාලන අධිකාරීන් එවිට මීට එරෙහිව ගන්නා තීර්න අතර ඉහලින්ම වන්නේ ලබා දිය හැකි පහසූන් වෙනුවට ආරක්ශිත බවට වැඩි අවධානයක් ලබා දීමයි. ඒවා පවත්වාගෙන යාමට සහය වන දැන්වීම් වැනි පහසුකම් එම අඩවි වෙතින් ලබා ගන්නා සේවාවන් ක්‍රමයෙන් අඩුවන විට වඩාත් ආක්‍රමනශීලී යාන්තරනවලට යොමුවන්නට එම ආයතන කටයුතු කරන ආකාරය දැකිය හැකි වනු ඇත.
මෑතකදී ඉහලට මතුව ආ මතවාදයක් වූවේ ආසාධිත පරිගණකයන් අන්තර්ජාලයට සම්බන්දවීම එම භවිතාකරන්නාගේ පෞද්ගලික කාරනාවකට වඩා සැලකිය යුතු ලෙසට සමස්ත අන්තර්ජාලයටම බලපාන බවයි. එහිදී ඔවුන් යෝජනා කර සිටියේ ISP මට්ටමින් අදාල ආසාධ්ත පරිගණකයේ භාවිතාකරන්නා දැනුවත් කිරීමේ සිට ඔහුව අන්තර්ජාලයෙන් සීමා කර දැමීම දක්වා පියවරයන් ගැනීම අනිවාර්ය වීම අත්‍යවශ්‍ය බවයි.
Pubudu Siriwansa
