වින්XP සදහා SMRT පහසුව 2015 දක්වා......

  මයික්‍රසොෆ්ට් සමාගම තම භාවිතාකරන්නන් සදහා ප්‍රධාන වශයෙන් අරක්ශක මෘදුකාංග වර්ග දෙකක් නොමිලේ ලබා දෙන්නට කරයුතු කරයි. ඉන් එකක් වන්නේ ආරක්ශක මෘදුකාංගයක් ලෙසට වින්ඩෝස් මෘදුකාංග සමග භාවිතාකරන්නට හැකි Microsoft Security Essentials මෘදුකාංගයයි. ප්‍රාථමික මට්ටමේ ආරක්ශාව සලසන මෙම මෘදුකාංගය සාමාන්‍ය භාවිතවේදී සෑහෙන බවටයි පිලිගැනීම වන්නේ. මීට අමතරව එම ආයතනය තම භාවිතකරන්නන් වෙතට ආරක්ශක මෘදු ටූලයක්ද මාසික යාවත්කාලීඉනයන් සමග නිකුත්කරන්නට  කටයුතු කරනු ලබයි. තම මෙහෙයුම් පද්ධති සදහා හානිකවර හැසිරෙන බවට හදුනා ගන්නා මෘදු හානිකරයන් යම් පරිගණකයක ස්ථාපනය වී ඇත්නම් මෙම මෘදු ටූලය ඒ සදහා සහය වීමට සුදානමින් සිටින බවටයි ඔවුන් නිවේදනය කර සිටින්නේ. ඒ ඒ කාලවලදී පැතිරෙන හානිකරයන් සදහා මෙම මෘදු ටූලය භාවිතාකරන්නන් වෙතට ගෙනෙන්නේ මහත් සහයකි. Microsoft's Malicious Software Removal Tool ලෙසට නම්වන මෙම මෘදු සහය වින්ඩෝස් XP සදහා  එලබෙන අප්‍රේල් 8 දායින් පසුවද 2015 ජූලි 14 දක්වා නිකුත් කරන්නට තමන් කටයුතු කරන බවටයි පසුගියදා නිවේදනය කර සිටියේ. SMRT ලෙසට කෙටියෙන් හදුන්වන මෙම මෘදු ටූලය XP භාවිතාවේ තව දුරටත් හිදින්නට බලාපොරොත්තුවන භාවිතාකරන්නන් සදහා මද හෝ අත්වැසිල්ලක් වනු ඇති බවටයි බලාපොරොත්තු විය හැක්කේ.