ෆේස්බුක් ආයතනය පවසා සිටින්නේ වසරක කාලයක් තිස්සේ තම අඩවියෙන් අනවසර ලෙස දත්ත ලබාගන්නට හැකියාව ලබාදෙමින් පැවති දුර්වලතාවයක් පිලිසකර කරන්නට පසුගිය සතියේ තමන් කටයුතු කල බවයි. යම් භාවිතාකරන්නෙකුට තම මිතුරන්ගේ සබදතා තොරතුරු ලබා ගැනීමේදී එම මිතුරන් ලබාදෙන්නට අකමැති විය හැකි දුරකථන අංක හෝ ලිපිනයන් වැනි තොරතුරුද මෙම දුර්වලතාවය ඔස්සේ පෙර කී භාවිතාකරන්නා හට ලබා ගැනීමේ හැකියාව පැවති බවයි.2012 වසරේ සිට පැවති මෙම දුර්වලතාවය පිලිබදව කිසිදු පැමිනිල්ලක් තන් වෙත නොලැබුනු බවටයි ආයතනය වැඩි දුරටත් පවසන්නේ.ෆේස්බුක් ආයතනයේ තම අඩවියේ ආරක්ශාව පිලිබද කටයුතු කරන කන්ඩායමක් විසින් පසුගිය සතියේ මෙම දුර්වලතාවය හදුනා ගත් බවත් එසේ හදුනා ගෙන පැය 24ක් තුල එය සමනය කරන්නට කටයුතු කල බවටයි වැඩි දුරටත් නිවේදනය වන්නේ.ආයතනය වැඩි දුරටත් පවසන්නේ හම භාවිතාකරන්නන් මිලියන හයකට අධික පිරිසක් මෙම අනතුරට විවෘතව සිටි බවයි.
