මයික්‍රසොෆ්ට් ආයතනයේ වින්ඩෝස්8 මෙහෙයුම් පද්ධතිය වෙත නිකුත්වන ප්‍රධාන යාවත්කාලීනයක් ලෙසට නම් වන වින්ඩෝස් 8.1 හෝ වින්ඩෝස් බ්ලූ*පෙර සංස්කරනය නිකුතුව සදහා ඉතිරිව ඇත්තේ තවත් දින කිහිපයකි.මෙම මස අගදී පැවැත්වීමට නියමිත ප්‍රධාන පෙලේ හමුවක අතරතුරදී මෙම නිකුතුව සිදුවීමට නියමිත බවටයි මේ වන විට ප්‍රකාශවී ඇත්තේ. දැනට මෙම නිකුතුවට අදාලව නොනිල ලෙස අන්තර්ජාලයට නිකුත්ව ඇති ඡායාසටහනක මෙම නව නිකුතුවේ ඩෙස්ටොප් මුහුනත දැක්වෙන අතර එහි "Milestone Preview" ලෙසට සදහන්ව තිබීම තවත් කැපී පෙනෙන කාරනාවක් ලෙසටයි සටහන් වන්නේ. බිල්ඩ් 9428 ලෙසට සදහන් වන මෙම සංස්කරනයේ පෙර සංස්කරනය මෙමස 26 දා නිකුත්වනු ඇති බවටයි බලාපොරොත්තුව වන්නේ.
