වින්ඩෝස්8 දත්ත ලෝකය මත ඇති කර ඇති කැලබවීම තවමත් සංසිදී නැතුවා වුවද වින්ඩෝස් බ්ලූ නමින් මෙගා මට්ටමේ යාවත්කාලීනයක් පිලිබදව මහත් කුතුහලයක් නිර්මානය වෙමින් ඇත. පසුගිය සතියේ වින්ඩෝස් බ්ලූ වල නොනිල සංස්කරනයක් අන්තර්ජාලයට මුදා හැරීමක් සිදුවූ අතර උනන්දුවක් දක්වන්නන් අතර මහත් ප්‍රබෝධයක් ඇතිවෙමින් පවතී. එහි දැක්වුනු ෆයිල් මැනේජර් ඇප් මෘදුකාංගය , බහු මොනිටර භාවිතයට මිත්‍රවීම , ස්ටාර්ට් ස්ක්‍රීනය වඩාත් භාවිතාකරන්නාහට කැමති ලෙස සකසා ගැනීමේ හැකියාව මෙන්ම පහසුවෙන් ශට් ඩවුන් කිරීමේ හැකියාවන් කැපී පෙනෙමින් තිබේ. පැතිරෙන නව පුවතකට අනූව එලබෙන ජූනි මාසයේදී වින්ඩෝස් බ්ලූ වල පෙර සස්කරනයක් නිකුත්වීමට නියමිත බවටයි පැවසෙන්නේ. හදාරන්නන් පවසන්නේ වින්ඩෝස් නව සංකරනය සමග මෙහෙයුම් පද්ධතිය අඟල් 7,8 මට්ටමේ ටැබ්ලට් උපාංග සදහා වඩාත් ගැලපෙන සේ සුසර වීමක් බලාපොරොත්තු විය හැකි බවකි. එසේම ඔවුන් පවසන්නේ වින්ඩෝස්8 බ්ලූ වල පෙර සංස්කරනවලදී මෙන් අනු සංස්කරනයන් කිහිපයකින් සමන්විත නොවෙනු ඇති බවයි.
