ගෙවීයන කාලයතුල ගූගල් ආයතනය වෙතින් පුවත් නිර්මනයවීමේ වැඩි ප්‍රවනතාවයක් වන බවයි දක්නට ඇත්තේ. ගූගල් රීඩරය ඉවත්කිරීමට තීරනය කිරීම ඇන්ඩ්‍රොයිඩ් අංශ ප්‍රධානියාගේ තනතුර වෙනස් කිරීම ආදීය ඒ අතරින් කිහිපයකි. මේ අතර ගූගල් ප්ලේ ස්ටෝර්ව තුලින් අඩවිවල දැන්වීම් විවෘතවීම වැලකීමට භාවිතාකල හැකි ඇප් මෘදුකාංග කිහිපයක් ඉවත්කිරීමට කටයුතු කර තිබීමද කථා බහට ලක්වෙමින් තිබෙනවා. අනිසි ලෙස වෙනත් සේවාවන්ට මැදිහත්වීම මෙලෙස එම ඇප් මෘදුකාංග ඉවත්වීමට හේතුව ලෙසටයි ඔවුන් දක්වා සිටින්නේ. කෙසේ නමුත් දැනට මෙම ඇප් මෘදුකාංග භාවිතාකරමින් සිටින්නන්හට ඉදිරියටත් ඒවා භාවිතාකිරීමට හැකිවන මුත් යාවත්කාලීනයන් නොලැබෙනු ඇති බවටයි වැඩි දුරටත් පැවසෙන්නේ.
