අදවන විට මෙම මෙහෙයුම් පද්ධතිය සියලුම පාහේ නවීන පරිගණකමය උපකරන සදහා හොදින් පැකසුනු සංස්කරනයන් ගෙන් සමන්වී ඇත.පරිගනක උපකරන නිශ්පාදන ක්ෂේත්‍රයේ සියල්ලන්ගේම පාහේ යහපත් ප්‍රතිචාර ලබා ගන්නට සමත්ව ඇත. රෙඩ් හැට් නොහොත් වෙළද සංස්කරනය ඩොලර් බිලියන 7.3ක ස්ථාවරයක් ලබා ගෙන ඇත. ගතවූ විසි වසර තුල එදිරිකරුවන්ද බිහිවී නැතුවාම නොවේ. මයික්‍රසොෆ්ට් ආයතනය ඉන් ඉදිරියෙන්ම සිටී.තාක්ශනික මෙන්ම ආර්තිකමය බාදා බොහොමයක් පසුකරන්නට සිදුවිය. මයික්‍රසොෆ්ට් ආයතනය පවසන්නේ මේ වනවිට ලිනක්ස් විසින් තමන්ගේ පේටන්ට් අයිතීන් 200 කට වඩා උල්ලංගනය කර ඇති බවකි.
විචාරකයින්ට අනූව මයික්‍රසොෆ්ට් ආයතනයේ මෙහෙයුම් පද්ධති අන්තර්ජාලය හා සැසදෙන්නට කල්මරමින් සිටින විට ලිනක්ස් බෙහෙවින් ඉදිරියෙන් සිටි බවකි." ආරම්භයේ සිටම ලිනක්ස් තුල අන්තර්ජාල මිත්‍ර බවක් දක්නට ලැබුනා" ඔවුහු පවසා සිටී. ලොවපුරා බොහෝ වැඩසටහන් සම්පාදකවරුන්ට එය සම්පතක්ව ඇත.අන්තර්ජාලය තුලින් එය නොමිලේ ලාබාගන්නටත් එහි වෙනස් කම් ඇති කරමින් අත්හදා බලන්නටත් පමනක් නොව තම අත්දැකීම් අනිකුන් හා බෙදා ගන්නටත් අවස්තාව සැලසී ඇත.
අන්තර්ජාලය සමග ලිනක්ස් වල ඇති සබදතාවය බොහෝ පුලුල් එකක්, එය වෙබ් සර්වර්ස්, ඊමේල් සර්වර්ස් , මෙන්ම දත්ත ගබඩා බොහොමයක ක්‍රියාත්මක වෙමින් සිටිනවා.සෙයුම් යන්ත්‍ර අතරසියයට 66ක නියෝජනයක් හිමිකරගෙන සිටින ගූගල් සර්වර් තුල දිවෙන්නේ ලිනක්ස් වීමේ එය හොදින් ඔප්පු වනවා. යාහු තුල මෙන්ම බින් තුලද අඩුවැඩි ලෙස යම් නියෝජනයක් දරන්නට ලිනක්ස් වලට හැකිවෙලා තිබෙනවා.
කෙසේ වෙතත් තීරනාත්මක බොහෝ තැන්වල ලිනක්ස් තම සාර්තකත්වය පෙන්නුම් කරමින් සිටියද සාමාන්‍ය භාවිතාකරන්නන් වෙත සාර්ථකව ලගාවීමට නොහැකිව තිබීම සැලකිය යුතු කරුනකි. සමහර නිශ්පාදකයින් තම පරිගණක යන්ත්‍රයන් වෙළද පොලට නිකුත් කිරීමේදී ලිනක්ස් ස්ථාපනය කරම නිකුත් කලද භාවිතාකරන්නන් ඒ වෙත ආකර්ශනය වීමේ විශාල අඩුවක් පවතින බවටයි පැවසෙන්නේ. පාරිභාෂිකව පවසන්නේ නම් "ක්ලයන්ට් සයිඩ් ඔ.එස්" එකක් ලෙස අසාර්තකව පවතින බවයි දත්තයන් පවසමින් සිටින්නේ. ලිනක්ස් සංස්කරයක් වන උබුන්‍ටු නිර්මාපකයින් පවසන්නේ 2015 වනවිට තම මෙහෙයුම් පද්ධතිය භාවිතාකරන්නන්ගේ ප්‍රමානය මිලියන 200 ඉක්මවා යනු ඇති බවට තමන් බලාපොරොත්තු වන බවයි.
