එක හුස්මට බටහිර බෑවුම බැසගෙන ගියෙමි. මාකවදාත් ප්‍රිය කල ගංඉවුරු වඩාත් පුලුල් ජලය ඉතාසෙමින් ගලා බසින ඉසව්වට ලගාවීමි.දහවලේ තද හිරු‍රැස් දිය පහර විනිවිද යමින් නොගැබුරු පතුලේ වන සුදු පැහැති විවිද හැඩගත් කුඩා ගල් කැට වලට වැදී විවිධ දිසාවලට පරිවර්තනය වෙමින් අපූරු චමත්කාර සජීවී චිත්‍රයක් මවා ඇතිවාසේය. ගංඉවුරේ විශාල ප්‍රදේශයක් පුරා විසිරී ගිය සුදු වැලි තලයේ සමහර තැන්වල විශාල තුරු ගොමු නිසා මැවෙන සිසිල් සෙවන ගැබුරු දැහැනකට කරන ආරාධනාවක් සේය.
