ඇමරිකානු එක්සත් ජනපදයේ ආරක්ශාව පිලිබද කටයුතු කරන ආයතනයකින් පසුගියදා නිකුත්ව ඇති නිවේදනයකට අනූව කියවෙන්නේ අන්තර්ජාල භාවිතාකරන්නන් තම බ්‍රවුසරය තුල ජාවා ක්‍රියාකාරීත්වය නතරකර දැමීමට කටයුතු කිරීම වැදගත් පියවරක් වනු ඇති බවය. පසුගිය සතියේ නිකුත්ව ඇති මෙම නිවේදනයට පදනම්ව ඇත්තේ හදාරන්නන් විසින් ජාවාහි පෙර සැකසුම් දුර්වලතා ඔස්සේ පහරදෙන්නන් පරිගණක වෙත අසාධිත වෙබ් අඩවි ඔස්සේ මැල්වෙයාර් ආකාරයේ මෘදුකාංග යොමු කරවන්නට වඩ වඩාත් පෙලබෙමින් සිටින බවට කරනු ලැබූ හෙලි කිරීමත් සමගය. වැඩිදුරටත් පැවසෙන්නේ මෙම ආකාරයේ පහරදීම් සදහා යොදා ගන්නා "කෝඩ්" සටහන් බහුලව පැතිරෙමින් ඇති බව හදුනා ගනිමින් සිටින බවයි. මේ සදහා වැඩි විසදුමක් මේ වන තෙක් ඔවුන් ප්‍රකාශයට පත්කොට නොමැති අතර ඔරකල් ආයතනයෙන්ද මේ පිලිබදව මෙතෙක් කිසිදු ප්‍රකාශයක් නිකුත්වී නොමැති බවටයි පැවසෙන්නේ.
