නොකියා නිෂ්පාදන ලෝලීන් විසින් පවත්වාගෙන යනු ලබන වෙබ් අඩවියක් ඔස්සේ වින්ඩෝස් 8 ෆෝනය සමග එනු ඇතැයි අනුමාන කරන ලොක් ස්ක්‍රීනයක ඡායාරූ කිහිපයක් පලවී තිබෙනවා. එම ඡායාරූවලින් පැවසෙන්නේ වින්ඩෝස් 8 වලදී මෙන්ම ලොක් ස්ක්‍රීනය ඔස්සේද යම් යම් තොරතුරු සජීවීව ලබ ගන්නට හැකිවනු ඇති බවයි.
දැනට පැවසී ඇති තොරතුරු වලට අනූව මෙමස 29 වින්ඩෝස්8 දුරකථනය නිකුත්කිරිමට අදාල නිල සැමරුම පැවැත්වීමට නියමිත අතර මේ වන විටත් ප්‍රධාන පෙලේ මාධ්‍ය ආයතනවලට ඒ සදහා නිල ආරාධනාව ඊමේල ඔස්සේ යව ඇති බවටයි කියවෙන්නේ. සැන් ප්‍රැන්සිස්කෝ නුවරදී පැවත්වීමට නියමිත එම හමුව පිලිබද වැඩි දුර විස්තර තවමත් නිකුත්වී නොමැති බවටයි සටහන් වන්නේ. වැඩිදුරටත් පැවසෙන්නේ මෙම නිල නිකුතු සැමරුම මෙම මාසයේ පැවතුනද වින්ඩෝස් 8 දුරකථනය වෙළදපොලට නිකුත්වීම එලබෙන මාසයේ පලමු සතිය තුල සිදුවනු ඇති බවටයි සටහන් වන්නේ.
