ටීටාවෙන් නිකුත්වූ සියුම් වූ හඬ අපසියලු දෙනාගේම අවධානය තම තමන්ගේ ටීටා උපකරන වෙත ලබා ගැනීමට සමත් විය.පැලදගත් ටීටාව පලමුව පවසුවේ ඉදිරි විනාඩි පහ ඇතුලත ප්‍රතම දේශනය වෙත සූදානම් වන ලෙසටය. අනතුරුව සියුම් රිද්මයානුකුල හඩක් ටීටාව තුලින් ඇසෙන්නට විය.මනස එකගකරවන තාක්ශනයේ අපූරු ප්‍රථිපයක් ලෙස නිර්මානය වී ඇති මෙවන් අභ්‍යාස පාසැල්වියේදීම අපවෙත හුරුකරවා තිබිනි.මනස නොසන්සුන් වීම කාරුනික අවධානය ලැබ විසදා ගතයුතු ගැලුවක් ලෙස හදුනා ගනිමින් ප්‍රථිචාර දැක්විය යුතු කාරනාවක් ලෙස හදුනාගන්නට පෙර කාලයේ විසූ ගුරුවරුන් කලාතුරකින් අවස්තා වලදී සිසුන්ගේ කන් බෙරයට පවා හානිකරන්නට තරම් නොසංසුන් වූ කාලයයක් ගැන වරක් පියා මට පැවසූ දේ යලිත් මතකට නැගිනි. එම සංගීතය අතර තුල යලිත් ටීටාව පවසා සිටියේ දේශනය සදහා දේශන ශාලාවට හෝ සුවපහසු කැමති ස්ථානයක් තෝරා ගත හැකි බවත් ඉදිරි තප්පර කිහිපය තුල ටීටාව මා සිටින පරිසරය හා මගේ මනසේ එකග බවේ ප්‍රමානය මැන බලන බවත් ටීටා පලදනාවේ දෙනෙත් තිර යුගල හෝ ඊ කියවනය සූදානම් කර ගන්නා ලෙසටත් පැවසිනි. ඊලග තප්පර කිහිපය අවසන් වන විට මනස පූර්න අවධානය දේශනය දෙසට යොමු කරවා ගන්නට ටීටාව සමත්ව තිබිනි.
දේශනය ඇරබිනි. මැදි වයසේ වූ දේශකතුමන් සිත්ගන්නා හා ප්‍රානවත් අංග චලනයන් සමග තම දේශනය පවත්වන්නට පටන් ගත්තාය. "ඔබ කවුද යැයි මම ඇසුවොත්? ඔබට බොහෝ පිලිතුරු තිබේවි.ඔබ ඔබ ගැන දකින්න වඩාත් කැමති කෝනයන් ඔස්සේ ඔබ විවිධ දේ කියාවි. එහෙත් මටනම් ඔබ දත්ත ගොනුවක් පමනී.ඔබ අදහන හෝ විස්වාස කරන කිනම් ආකාරයකට නිර්මානය වී තිබුනද, කිනම් අරමුනකට නිර්මානය වී තිබුනද පසුකරමින් සිටින මේ මොහොත මත්තේදී ඔබ දත්ත ගොනුවක් පමනී...........
