විස්ටා යනු මයික්‍රසොෆ්ට් මත සටහන්වූ අසාර්ථක බවේ සටහනක් ලෙසට සමහරුන්ගේ මතයකි.ඔවුන් පවසන්නේ වින්ඩෝස්8 වලටද එම ඉරනම උරුම නොවන්නට නම් වෙනස්කම් රාශියක් රැගෙන ආයතු බවයි. ඒ අතරට පලමුවෙන්ම පැවසෙන කාරනාවක් වන්නේ , මෙට්‍රෝ මුහුනත අපූරු අත්දැකීමක් රැගෙන ආවද ඩෙස්ටොප් ආකරයේ ස්ථාපනයකදී හුරුපුරුදු ඩෙස්ටොප් මුහුනතට ප්‍රමුකතාවය ලැබෙන පරිදි සැකසුම් සකසා ගන්නට අවස්ථාවක් භාවිතාකරන්නාට ලබා දිය යුතු බවයි.ඔවුන් පවසන්නේ ස්පර්ශක මූලික බව සාර්ථක පිවිසුමක්මුත් බලහත්කාරකමක් නොවන්නට ආයතය වගබලා ගත යුතු බවයි. තවමත් බහුල භාවිතාව වන සාම්ප්‍රධායික ඩෙස්ටොප් භාවිතාවේ සිට අනාගත භාවිතාවන් වෙත කැදවීම මීට වඩා නම්‍ය වියයුතු බවටයි යෝජනා වන්නේ.
මෙට්‍රෝ මුහුනත මත විසිරෙන ටයිල් නියෝජනයන් කිසියම් ආකාරයක හැකිලීමකට (ෆෝල්ඩර්) නොහැකිවීම තවත් භාවිතකරන්නන් පිරිසකගේ අපහසුවට හේතුවක් වී ඇති බවටයි චෝදනා වෙමින් පවතින්නේ.විටක තිර දෙක තුනක් ඔස්සේ දිගහැරෙන්නට වන තම ටයිල් නියෝජනයන් කරදරකාරී වන අවස්ථා ගැන ඔවුන් පවසනවා. ටැබ්ලට් ආකාරයේ භාවිතාවකදී පවා දකුනත මහපට ඇගිල්ල වෙත පෙරකී ආකාරයේ ගොනුකිරීමක වැඩි වගකීමක් ලබාදී මෙට්‍රෝ මුහුනතට මෙලෙස ඉතිරී යන්නට ඉඩ නොතැබීම වඩා ප්‍රායෝගික වනු ඇති බවටයි ඔවුන් යෝජනා කරමින් සිටින්නේ.
සාම්රධායික ඩෙස්ටොප් භාවිතාව මතින් "ස්ටාර්ට්" බටනය ඉවත්කිරීම අසාර්ථක අනන්‍යතාවක් සලකුනු කරගන්නට තැත්කිරීමක් ලෙසටයි විචාරකයින් පවසන්නේ.වෙනස්වීම හොදයි, අප ඊට කැමතියි. ඒත් ඒක කෘතීම නොවිය යුතුයි.මේ තරම්ම බලහත්කාර නොවිය යුතුයි. වින්ඩෝස් සම්රදාය විසින් යුග ගනනක් ඔස්සේ පුරුදු පුහුනු කර ඇති "ස්ටාර්ට්" බටනය මෙලෙස අතාර්කික ලෙස සාම්ප්‍රදායික ඩෙස්ටොප් භාවිතයෙන් ඉවත්කරතිබීම ගැන ඔවුන් පවසා සිරිනවා.
