මෙහෙයුම් පද්ධතිය භාවිතාවේදී ඇතිවන තීරනාත්මක කඩා වැටීම් අවස්ථාවලදී වින් 8 වලට පෙර සංස්කරනවලදීද විසදුම් ලබා දී තිබුනා. ඒකට සිස්ටම් රී-ස්ටෝර් කියාත් නම් කර තිබුනා. එහෙත් සමහර භාවිතාකරන්නන්ගේ මතයක්ව තිබුනේ අවශ්‍ය අවස්ථාවලදී බොහෝ විට එම විසදුම විවිධ හේතූන් නිසා ලබාගත නොහැකි බවයි. වින්8 සමග මයික්‍රසොෆ්ට් ආයතනය "රී-ෆ්‍රෙෂ්" නමින් එම විසදුමට සමාන එනමුත් වැඩි දියුනු කල විසදුමක් රැගෙන විත් තිබෙනවා. ආයතනය පවසන්නේ ඔබට අවශ්‍ය විටකදී ඔබගේ පෞද්ගලික සැකසුම් , ඇප්ස් , දත්තයන්ට හානියකින් තොරව මෙහෙවුම් පද්ධතියේ මුල් පිරිසිදු තත්වය කරා නැවත රැගෙන යන්නට මේ මගින් හැකි වන බවයි. " මෙම උපාංගය ක්‍රියාත්මක කරන විට මෙහෙයුම් පද්ධතිය තාක්ශනිකව එය ස්ථාපන මුල් ස්වරූපය කරා යන අතර භාවිතාකරන්නාගේ පෞද්ගලික ස්වභාවයන් කිසිදු හානියකින් තොරව නැවතත් ඒ මතට පැමිනීම මෙහි ඇති විශේෂත්වයයි " ඔවුන් පවසනවා. මෙම උපාංගය භාවිතයෙන් මෙට්ට්‍රො ඇප්ස් ආදිය නැවත ලබා ගත හැකි වුවද වින් 32 ආකාරයේ සාම්ප්‍රධායික මෘදුකාංග ස්ථාපිතයන් ඉවත්වන මුත් ඔවුන් පවසන්නේ ගැටලු නිරාකරනයේදී මෙම පියවර වැදගත් බවත් අවශ්‍ය නම් භාවිතාකරන්නට ඒවා නැවත ස්ථාපනය කරගැනීමේ හැකියාව ඇති බවයි.
මීට අමතර භාවිතාකරන්නෙකුට අවශ්‍ය අවස්ථාවකදී තම පෞද්ගලික බව සම්පූර්නයෙන් ඉවත්කරමින් පූර්න ලෙස මෙහෙයුම් පද්ධතියේ මුල්ස්වරූපය නැවත පරිගණකයට ලබා දීමේ අවස්ථාව "රී-සෙට්" තුලින් ලබා ගත හැකි වනවා.මෙම උපාංගය ක්‍රියාතමක කිරීම තුලින් අලුතින් මෙහෙයුම් පද්ධතිය ස්ථාපනය කල අවස්ථාවක් පහසුවෙන් භාවිතාකරන්නාට ලැබෙනවා.
