ප්‍රකට ආරක්ශක මෘදුකාංග සමාගමක් වන A.V.G ආයතනය නවතම අංගයකින් සමන්විතව තම ආරක්ශක මෘදුකාංගයේ නව සංස්කරනයක් හදුන්වා දී ඇති බව පැවසෙනවා. මෙම නවතම අංගය පිලිබදව ඔවුන් සටහන් කරන්නේ ඔබේ පෞද්ගලිකත්වය රැකගැනීමේදී වඩාත් විදිමත් තාක්ශනයක් ඔවුන් හදුන්වා දෙන බවයි. සක්‍රියව ඔවුන් ඔබගේ ඊමේල් ලිපිනයත් ඩිබෙට් කාඩ්පත් අංකය හා ක්‍රෙඩිට් කාඩ්පත් අංකය යන වෙබ් අපරාධ කරුවන්ගේ මූලික ඉලක්කයන් ත්‍රිත්වය ලෙස හදුනාගෙන ඇති දත්තයන් සුරකීමට කටයුතු කරන බවයි.
මීට අමතරව තම නව සංස්කරනය පරිගනකයේ නිරෝගී බව කෙරෙහි බලපාන මූලික නඩත්තු කටයුතු කිහිපයකින්ද සමන් විත බව සටහන් වෙනවා. ඒවා අතර දෘඩ තැටිය නැවත පිලියල කිරීම, අනවශ්‍ය මෘදු ගොනු ඉවත් කිරීම මෙන්ම රෙගිස්ට්‍රි පිරිසිදු කිරීම ආදී ක්‍රියා කාරකම් වලින් සමන්විත බවයි සටහන් වන්නේ.
