2014-11-23

අනවසරව තොරතුරු ‍රැස්කිරීමට භාවිතාවන FinFisher මෘදුකාංගය..

  FinFisher යනු බ්‍රිතාන්‍ය ආයතනයක මෘදුකාංග නිකුතුවකි. මෙම මෘදුකාංගයේ විශේෂත්වය වන්නේ එය ලොව පුරා භාවිතාවන්නේ ඉලක්ක කර ගන්නවුන්ගේ Email අනවසරව කියවීමටත්, Skype සංවාදවලට අනවසරයෙන් සවන් දෙන්නටත් පමනක් නොව පරිගණකයන්ගේ Microphone හෝ Webcam වලට භාවිතාකරන්නා නොදැනුවත්වම සංක්‍රියකිරීමේ අයිතිය ලබා ගනිමින් ඒවා ඔස්සේ එම භාවිතාකරන්නන්ගේ තොරතුරු රහසිගතව ‍රැස්කර ගන්නට සහය වීමය. 2011දී පමන ඊජිප්තියානු කාර්යාලයක ක්‍රියාත්මක වෙමින් තිබියදී පලමුව මෙම මෘදුකාංගය පිලිබදව අවධානය ලබා ගැනිනි. UK වලද මෙම මෘදුකාංගය යම් ආයතනයන් විසින් තමන් ඉලක්ක කරන පුද්ගලයන්ගේ තොරතුරු ‍රැස්කිරීමට යොදා ගන්න බවට විටින් විට තොරතුරු හෙලිව තිබේ.
                 ලොව පුරා රාජ්‍ය මට්ටමින් පවා මෙම මෘදුකාංගය භාවිතාවන්නේ එම රටවල ක්‍රියාත්මක වන සයිබර් අපරාධ කරුවන් ග්‍රහනය කර ගැනීමට වේ.ව්‍යාජ Email බැදියාවක් සංක්‍රියකරවා ගැනීමෙන් හෝ මෘදුකාංග යාවත්කාලීනයක් ලෙසට හැගවීමෙන් පරිගණක මතට මෙම මෘදුකාංගය ස්ථාපනය කරවීම සිදුවන අතර පසුගිය කාලය සැලකීමේදී වරක් iTune වල දුර්වලතාවයක් ඔස්සේ මෙන්ම තවත් වරක් Firefox බ්‍රවුසර මෘදුකාංගය ලෙසට හගවමින් පරිගණක මතට පැමිනීම සිදුවෙමින් ඇති බවට හඳුනා ගෙන තිබු අවස්ථා වූවා.වරක් ස්ථාපනය වීමෙන් අනතුරුව remote access හැකියාව ඔස්සේ එම පරිගණකය සම්බන්දිතව සිදුවන ක්‍රියාකාරකම් හදාරන්නන්නට එම ස්ථාපකයන්ට අවස්ථාව සැලසෙන බවටයි පැහැදිලි කෙරෙන්නේ.