2016-04-14

පනස් හත්වන කොටස..

                         නගරයට මදක් වන්නට යාබදව පිහිටි තාවකාලික නවාතැන්පලක් වෙන් කර ගන්නට නගරයේ පිහිටි තොරතුරු කාර්යාලයේ සහයෝගය නිසා වඩත් පහසු විය.මීට ඉහත වාරයේදී සේවය කල හැදෑරුම් ආයතනයට ආසන්නව පිහිටි එම ස්ථානය වඩාත් හුරු පුරුදු බවක් ගෙන ඒම වඩාත් සහනශීලී බවක් දනවන්නන්ක් විය. කෙටි විවේකයකින් අනතුරුව නගරය වෙතට යන්නට සූදානම් වීමි. පෙර සැදෑකාලය නිසාමදෝ උද්‍යානයේ වැඩි කලබල බවක් දක්නට නොවිනි. උද්‍යානයේ වූ සුපුරුදු සැකසුම එලෙසම නිසාදෝ මහත් සුපුරුදු බවක් ගෙනෙන සුලු විය. අප කවදත් ප්‍රියකල උද්‍යනයේ කෙරවලටට වන්නට පසකින් ගලායන ගංගා ඉවුරට වන්නට පිහිටි අසුන නිදහස්ව පැමිනීම බලාපොරොත්තුවෙන් සිටින්නාක් සේ දැනිනි.
           “ඒ කියන්නේ අපි නැවත හමුවේලා..” පරිසරය සමග දැහැන්ගත වූවාක් මෙන් සිටි මා හට ඇයගේ පැමිනීම නොහැගිනි. අසුනෙන් නැගි සිටි මම ඇයට අසුන් ගන්නට ආරාධනා කලෙමි. මහත් ලෙන්ගතු ආචාරකිරීමකින් අනතුරුව ඇය ආ ගිය තොරතුරු බොහෝ දෑ අසන්නට පටන් ගත්තාය. අතොරක් නැතිව ගලා යන දෙබස් අතර මා ‍රැගෙන විත් තිබූ පොත් පත් කිහිපයක් හා CD කිහිපය ඇය වෙතට පිරිනැමු වෙමි. ඇය මහත් සතුටින් පිරී ඇත්තා සේය. මෙතෙක් හමුව තිබූ බොහෝ බටහිර තරුනියන්ට වඩා ඇය වඩාත් සංවේධී බවක් ඇත්තියක් වීම මා වඩාත් සිත්ගත් කාරනාවක්ව තිබිනි. ඇය මෑතදී අවසන් කල හැදෑරූම් වැඩසටහනේදී ලත්, අප පෙර සිටි සමහර ස්ථාවරයන් වෙනස්කරවන නව දැනුම් තොරතුරු පැහැදිලි කරන්නට ඇයට මහත් සේ අවශ්‍යව තිබිනි. අප අවසන් නොකල සටහන් පෙල වෙතට ඇය ගෙන විත් තිබූ නව වෙනස්කම් පැහැදිලි කරන්නට අවශ්‍යව තිබිනි.ආශ්‍රමය හා ඔබ්බෙන් පිහිටි ගම්මානය, ඔවුන්ගේ ජීවන තොරතුරු පිලිබදව පැහැදිලි කරගන්නට මහත් උනන්දුවකින් ඇය උත්සාහ කරන්නට විය. ඇයගේ දැඩි උනන්දුව අතරමදී තාවකාලිකව නතරවූ සටහන් පෙල වඩාත් අපූර්ව ලෙසට ඉදිරියට ගෙන යන්නට මාතුලවූ උනන්දුව වඩ වඩාත් අවදිකරවන්නන් සේ දැනිනි.
www.tharuminisa.com