2014-11-26

නොමිළේ ඇති Wi-Fi Hotspots හැමවිටම පහසුවක් නොවිය හැක...

   Wi-Fi Hotspots වේගයෙන් පැතිරයමින් පවතින  ප්‍රවනතාවයක් දැකිය හැක. අයෙකුට නොමිළේම තම Eමේල පිරිස්සන්නට, වෙබ් අඩවි අතර සරන්නට මෙන්ම ගොනු හුවමාරුකරගන්න ලැබෙන මෙම අවස්ථාව විටක සාමාන්‍ය මට්ටමේ අවන්හල්වල සිට Airport වැනි ස්ථාන දක්වා විවිධ ආකාරයේ ස්ථාන වලට දැන් පැමිනෙමින් ඇත. භාවිතාකරන්නෙකුට අගනා අවස්ථාවක් ‍රැගෙන එම මෙම භාවිතාවේ සැගව එන අනතුරුදායක බවක්  විටක භාවිතාකරන්නා නොදැනීම පවතී. විධිමත් තහවුරුවකින් (Authentication) තොරව ඇති වන දත්ත සබදතාවයක් ඔස්සේ සිදුවන මෙම භාවිතාව සමග hacker ආකාරයේ දත්ත පැහැර ගන්නෙකුටද හිතැති පරිසරයක් නිර්මාණය වන බව විටක ඔබ නොදන්නවා විය හැක. ඔබගේ උපාංගය එම සේවාව ලබා දෙන ආයතනයේ Wi-Fi Router අතරට පැමිනෙන  දත්ත පැහැර ගන්නාගේ උපාංගය හරහා වන ලෙසට diverted කර ගැනීම ඔස්සේ ඔහුට පහසුවෙන් ඔබ විසින් කරන දත්ත හුවමාරුවේ පිටපතක් තබා ගන්නට හැකිවේ. මේ ආකාරයට පහසුවෙන් ඔබගේ බැංකු තොරතුරු අවසර පද ආදිය අන්සතුවීමට අවකාශයක් විවරවේ. 
               මෙවැනි ස්ථාන ආශ්‍රිතව පැමිනිය හැකි තවත් හානියක් වන්නේ මෙවන් ජාලයකට ඇතුලුවන  Malware පතුර වන්නේකුට පහසුවෙන් එම ජාලය තුල ඇති උපංගයන්ගේ Model Noumbers වැනි තොරතුරු ‍රැස්කර ගැනීමක් ඔස්සේ  ඔහු සතුවන ව්‍යාජ යාවත්කාලීන වැනි වැඩසටහන් පෙර කී උපකරන කරා ඒවායෙන් ලබා ගත් තොරතුරු අනූව් යොමු කිරීමේ හැකියාව ලැබීම වේ. Wi-Fi මෙන්ම File Sharing සැකසුම් වඩාත් පුලුල් සැකසුම් සහිත උපාංග සදහා මේ ආකාරයට හානිකරයක් ඇතුලු කිරීම පහර දෙන්නෙකුට බොහෝ විට සරල කාරනයක් විය හැක.
                       විටක සරල මෘදුකාංග භාවිතාවක් සමග එම ජාලය තුල සිදුවන ඊමේල් වැනි Text Form වලින් වන තොරතුරු පහර ගන්නෙකුට පහසුවෙන් විවෘත කර බලන්නට හැකිවීම තවත් ආකාරයක් ගත් අනතුරක් වන අතර මෙවැනි ස්ථන වලදී උපාංග සමග ඇතිවන සබඳතා Unencrypted වීම ඒ සදහා වඩාත් පහසුවක් වෙයි. මෙවැනි ස්ථාන වලදී  වන භාවිතාවන් වඩාත් පෞද්ගලික මට්ටමේ ඒවා නොකර ගැනීම සරලව මෙවන් අනතුරු වලින් ගැලවී සිටින්නට පහසුවක් වන අතර පැමිනෙන හෝ පිටත්වන දත්ත ගොනු පිලිබදව අවධානයෙන් සිටීම මෙන්ම උපකරනයේ සැකසුම් ඔස්සේ එහි ආරක්ශිත බව උපරිමව තබා ගැනීමද ඉතා වැදගත් වේ.