මම පැහැදිලි කරන්නේ දත්ත මිනිසා කියන සටහනෙන් මම කියන්න හැදුවේ මොකද්ද කියන එක. ඒක අපැහැදිලි හා අපිලිවල පිලිබද සටහනක් කියලා මම නොපිලෙගෙනම ඉන්නට උත්සාහ කරන්නේ නැහැ. ඒත් ඒ අසාර්ථක උත්සාහය තුල තිබුනේ අනාගතයේ දිනක අනිවාර්යයෙන්ම බිහිව්න අපූරු මිනිසෙකු ගැන කියන්නටයි. හිතන්න ඔබගේ සියලු නියුරෝන සටහන් සංයුත්ත කරගන්නට පුලුවන් වර්චුවල් ආකාරයට වන ඔබගේම ප්‍රතිරූපයක් ගැන. මම ත් විස්වාස කරන්නේ නැහැ කවරදවත් තාර්කික හා ගනිතමය හැකියාවල් ඇරුනු විට පැමිනෙන නිර්මානශීලී බව ඉක්මවන යාන්ත්‍රික බුද්ධියක් නිර්මානය වෙයි කියලා. හැබැයි ඉතින් මිනිස් වර්ගයා විසින්ම සතුටින් ඒ බවට බිලීවී තමන්ගේ නිර්මානශීලී බව නසා ගත්තොත් මිසක.ඒනි සා ත්මයි මට ඔනෑ උනේ කියන්න සාමන්‍ය මිනිසෙක් හැටියට පාසැල් වයස , උසස් අධ්‍යාපන වයස පසුකලාට පස්සේ ඒ කියන ද්විතීක පුරවැසි බවට යන්නට සුදුසුකම් ලබන්නේ. ලැබූ අධ්‍යාපනයත් නිර්මනශීලී බවත් මිශ්‍රිත ඩිජිටල් පිටපත ඔහුව නියෝජනය කරමින් ලෝකයේ කාර්යබලකායට ඒකතු වුනත් ඔහු බැදී සිටිනවා සැම දිනකට හෝ සතියකට වරක් කාලයත් සමග තමන් අත්පත් කර ගන්නා වර්ධනය කිසියම් ක්‍රමයක් ඔස්සේ අර පිටපතට එක් කරන්නට. මේක බුද්ධිමය දේපල යටතේ ඔහුගේ අයිතියක් වන අතර රජයකට පවා ඔහුගේ මරනින් පසුව භාවිතාකරන්නට නම් අවසර ලබා ගන්නට නීතිය වෙතින් ඉල්ලා සිටිය යුතු භාවිතාවක් ලෙසටයි මට සටහන් කරන්නට ඔනෑ උනේ.
අද වන විට තොරතුරු ලෝකයේ ගමන් මග හදාරන අයෙකුට පැහැදිලි වෙනවා මේ ස්වභාවයේ යමක් වෙතට අපි කෙමෙන් කෙමෙන් ලංවෙනවා කියන එක. හැබැයි මේක මිනිස් වර්ගයා පිලිබදව සටහනක් මිසක එක සමාගමක්, එක රටක්, පිලිබදව කථාන්දරයක් නොවේවි. ලෝකය හදරන අය කියනවා විවිධ පැතිවල මිනිසුන් අතර ඇත්තේ වර්න, භාෂා වැනි වෙනස් කම් විතරක් නොවේ, ඔවුනගේ මානසික හැකියාවන් , චින්තන රටවලත් අපූර්ව විවිධත්වයක් තියනවා කියලා. මම විස්වාස කරනවා මිනිස් වර්ගයාගේ මීලග සංස්කරනය එන්නේ මේ වෙන්ව ඇති හැකියාවල් මනාව එක රටාවකට ගොනු වීමෙන් පසුව කියා. ඒක හරියට අපි පුංචි කාලේ සෙල්ලන් කරන්න භාවිතාකරපු සතෙකුගේ රූපයක් කෑලි වලට වෙන් කරලා තියෙන එකක් ආපසු ඒවා පිලියලට සකස්කරාම ලැබෙන පූර්න රූපය වගේ. මේ අපූරු බුද්ධි රටාවල් එකතුවෙලා හැදෙන සැබෑ මිනිසා නිර්මනය වූදාට නම් මිනිස් වර්ගයා අර ක්‍රියාවෙන් පුංචි කාලේ ලැබුවාට වඩා විශාල සතුටක් ලබාවි කියලා මම විස්වාස කරනවා.
