2013-08-29

ස්කයිප් සේවාව දස වසර සමරයි......

   ස්කයිප් යනු අදවන විට ලොව පුරා බහුල භාවිතයක් ලබන මෘදුකාංගයකි. නොඹිලේ සපයන එම සේවාව (මුදල් ගෙවා ලබාගත හැකි වැඩි පහසුකම් සහිත සේවාවක්ද වේ.) ඔස්සේ ලොව පුරා දුර බැහැර වෙසෙන තම හිතවතුන් සමග පමනක් නොව ව්‍යාපාරික මට්ටමේද අතිමත් භාවිතාකරන්නන් මෙම සේවාව සමග වේ. මෑතකදී මයික්‍රසොෆ්ට් සමාගම විසින් මිළදී ගත් මෙම සේවාව තම සමාගමේ ප්‍රදාන පනිවිඩ හුවමාරු තලය ලෙසට භාවිතාවේ."Skyped" ලෙසින් වදනක් පවා වහරට එක්කරන්නට තරම් සුලබ මෙම සේවාවේ ආරම්භයට දස වසරක් පිරීම සිදුව ඇති බවටයි සැලකෙන්නේ. වර්ෂ 2003 අගෝස්තු 29 Estonia, Sweden හා Denmark  රටවලින් එක්වූ පුද්ගලයින් 5 දෙනුකුගේ මූලිකත්වයෙන් මෙම ස්කයිප් හි පලමු සංස්කරනය නිකුත්වූ බවටයි පිලිගැනෙන්නේ.
                                පසුව 2011 ඔක්තෝබරයේ ඩොලර් නිලියන 8.5කට මයික්‍රසොෆ්ට් ආයතනය විසින් මිලදී ගත් මෙම සේවාව මයික්‍රසොෆ්ට් සමාගම විසින් තම ප්‍රධාන ඊමේල් සේවාව වන Outlook.com සමගද මිශ්‍රකරනු ලැබුවා. එසේම ඉදිරියේදී තම Xbox one සමගද භාවිතාකරන්නන් වේත පැමිනෙනු ඇති බවට ප්‍රකාශ කොට තිබෙනවා.