යු ටියුබ් හි ඇන්ඩ්‍රොයිඩ් ඇප් මතින් ලැබුනු සටහනකට අනූව පැවසෙන්නේ යු ටියුබ් නම් ලොව වැඩියෙන්ම භාවිතාවන වීඩියෝ බෙදා හදා ගැනීම සදහා වන වෙබ් සේවාවේ මීලග පියවරක් ලෙසට මුදල් ගෙවා නැරබිය යුතු චැනලයක් ආරම්භවීමට කටයුතු සිදුවෙමින් පවතින බවකි. ගෙවී ගිය ජනවාරි මාසයේ සිට මේ පිලිබද අදහස් පලවෙමින් තිබුනද ඇන්ඩ්‍රෝයිඩ් සදහා වන යුටියුබ් ඇප් සදහා මෑතකදී නිකුත්වූ යාවත්කාලීනයක් සමග වූ සදහනකින් වඩාත් එය තහවුරුව ඇති බවටයි සටහන් වන්නේ.
ගූගල් ආයතනය යටතේ ක්‍රියාත්මක වන යුටියුබ් හි මෙම නව චැනලය නැරබීම සදහා මාසිකව ඩොලර් 1-5 අතර ගෙවීමක් ඔස්සේ වෙළඳ දැන්වීම් ඇතිව හෝ නැතිව මෙම චැනලය නැරබීමේ හැකියාව ලැබෙනු ඇති බවත් එම චැනලය සදහ වඩාත් ජනංප්‍රිය වීඩියෝ අංග තොරා ගැනෙනු ඇති අතර වඩාත් සුපැහැදිලි නැරබීමක් භාවිතාකරන්නන් හට ලැබෙනු ඇති බවටත් බලපොරොත්තු පලවෙමින් තොබෙනවා.
